Kollektivin işi yüksək qiymətləndirilib
“İnşaat-İş” Həmkarlar İttifaqının sədri Umud Hüseynov çıxış edərək kollektivin işini yüksək qiymətləndirib.
Noyabrın 29-30-da “İnşaat-İş” Həmkarlar İttifaqının sədri və baş texniki əmək müfəttişi Qazax rayonunda “Arkoz Qazax Sement Zavodu” MMC-nin Həmkarlar İttifaqı Komitəsinin (HİK) konfransında (hesabat-seçki yığıncağında) iştirak ediblər.
Konfrans öncəsi iclas iştirakçıları Ulu Öndər Heydər Əliyevin abidəsi önünə tər-çiçək dəstələri düzüb, əziz xatirəsini ehtiramla yad ediblər.
Sonra konfrans işinə başlayıb, HİK-in sədri Nizami Zeynalovun məruzəsi dinlənilib. Səsə qoyularaq qənaətbəxş qiymətləndirilib.
Daha sonra HİK-in təftiş komitəsinin və sədrinin seçilməsi müzakirə olunub. N.Zeynalov yenidən sədr seçilib.
Seçki ilə bağlı müzakirələrdən sonra HİK-in sədri yeni bağlanmış kollektiv müqavilə barədə məlumat verib.
“İnşaat-İş” Həmkarlar İttifaqının sədri Umud Hüseynov çıxış edərək kollektivin işini yüksək qiymətləndirib.
Sonra bir qrup müharibə iştirakçısı və əmək fəaliyyətində fərqlənən işçilər Fəxri Fərman və qiymətli hədiyyələrlə mükafatlandırılıb.
N.Zeynalov zavodun ümumi görüntüsünün tablosunu sahə həmkarlar ittifaqının sədrinə təqdim edib.
Konfransdan sonra “İnşaat-İş” Həmkarlar İttifaqının sədri U.Hüseynov zavodun bir qrup qazi əməkdaşı ilə görüşüb, onların problemləri ilə maraqlanıb, HİK-in sədrinə qazilərin daim diqqət mərkəzində saxlanılmasını tövsiyə edib.
Baş texniki əmək müfəttişi Əliəddin Məmmədov SƏTƏM üzrə mühəndis İlham Alıyev ilə zavodun ərazisini gəzib, işçilərlə söhbətlər aparıblar.
Zavoddakı mütərəqqi yeniliklərin başqa idarə və təşkilatlarda da istifadə olunması üçün müvafiq tədbirlərin görüləcəyi qeyd olunub.