Beynəlxalq Əmək Təşkilatı 2022-ci ildə Ümumdünya Əməyin Mühafizəsi Gününü “Pozitiv, təhlükəsiz və sağlam həyat mədəniyyəti üçün birgə fəaliyyət” devizi ilə qeyd etməyi tövsiyə edib.

Bununla əlaqədar Təhsil İşçiləri Azad Həmkarlar İttifaqı Qaradağ Rayon Komitəsi qeyd olunan mövzuda mütəxəssislərin iştirakı ilə yığıncaqlar keçirib.

Yığıncaqlarda Rayon Komitəsinin sədri Zümrüd Rzayeva və SƏTƏM (Sağlamlıq, Əməyin Təhlükəsizliyi və Ətraf Mühit) və KN  xidmətinin mühəndisi Məhəmməd Məcidov iş yerlərində əmək şəraitinin yaxşılaşdırılması, təhlükəsizlik qaydalarına əməl edilməsi, işçilərin sağlamlığının qorunması və digər məsələlər barədə iştirakçılara məlumatlar veriblər.