İsmayıllı Olimpiya İdman Kompleksində Vətən müharibəsi şəhidləri Orxan Lətifli, Tural Şıxızadə və Elnur Qədirlinin xatirəsinə həsr olunmuş 2013- 2015-ci il təvəllüdlü yeniyetmələr arasında cüdo üzrə İsmayıllı rayon açıq turniri keçirilib.

Dağlıq Şirvan Regional Gənclər və İdman İdarəsinin, Azərbaycan Cüdo Federasiyasının və İsmayıllı Olimpiya İdman Kompleksinin birgə təşkilatçılığı ilə keçirilən turnirdə  torpaqlarımızın azadlığı uğrunda canlarını fəda etmiş şəhidlərimizin əziz xatirəsi bir dəqiqəlik sükutla anılıb. Dövlət Himnimiz səsləndirildikdən sonra tədbir açıq elan edilib.

Yarışda iştirak edən “Atilla” İdman Klubunun idmançıları fəxri kürsüdə yer alıblar. 

Qalib idmançılar diplom, medal və kubokla təltif olunublar.