Azərbaycan Respublikasının Prezidenti İlham Əliyev
(avqustun 30-da) ... Sinqapur şəhərində keçirilən yeniyetmələrin I olimpiya oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalamışdır. … Sinqapurda keçirilən yeniyetmələrin I yay olimpiya oyunlarında iştirak etmiş idmançıları və mütəxəssisləri qəbul etmişdir.
(avqustun 31-də) … Müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etmişdir.
(sentyabrın 1-də) … və xanımı Mehriban Əliyeva Bakıda Dövlət Bayrağı Meydanının təntənəli açılış mərasimində iştirak etmişlər.
(sentyabrın 2-də) … və xanımı Mehriban Əliyevanın adından ölkəmizə rəsmi səfərə gələn Rusiya Federasiyasının Prezidenti Dmitri Medvedevin və xanımı Svetlana Medvedevanın şərəfinə "Gülüstan" sarayında rəsmi ziyafət təşkil edilmişdir.
(sentyabrın 3-də) … və Rusiyanın dövlət başçısı Dmitri Medvedevin görüşündə Azərbaycan və Rusiya arasında dövlət sərhəddi, təbii qazın alqı-satqısı və Samur çayı ilə bağlı sənədlər imzalanmışdır. … və Rusiya Prezidenti Dmitri Medvedev mətbuat konfransında bəyanatla çıxış etmişlər.
Ümumdünya Ərzaq Təşkilatı bu il taxıl istehsalçısı olan ölkələrdə hava şəraitinin pis keçməsi ilə yanaşı, bir sıra ölkələrdə əkin sahəsinin də ötən illə müqayisədə azaldığını da vurğulayır. Əsas taxıl tədarükçüsü olan ABŞ, Braziliya və Avropa ölkələrində maliyyə böhranı ilə əlaqədar istehsalın azalacağı gözlənilir. Həmin ölkələrdə iri fermer və kooperativlər taxılçılığa sərmayə qoymaq istəmir. Taxıl əkininə çəkilən xərclər maya dəyərini bəzən ödəmir, ona görə də fermerlər hazırda bu sahəni gəlirli hesab etmirlər. Dünya taxıl bazarında problemlər olsa da, Azərbaycanda bu tendensiya gözlənilmir. Kənd Təsərrüfatı Nazirliyinin idarə rəisi Sabir Vəliyev bildirib ki, bu il ölkəmizdə 2,2 milyon ton taxıl istehsal olunacaq və ölkənin ərzaq buğdasına olan tələbatı yerli istehsal hesabına ödəniləcək. Nəticədə Azərbaycana xarici ölkələrdən buğda idxal olunmayacaq. KTN rəsmisi ölkəmizdə yüksək repreduksiyalı taxıl sortunun yetişdirildiyini və istehsalın artmasında yeni toxum sortlarının xüsusi rol oynayacağını bildirir. Nazirlikdə hesab edirlər ki, bir neçə ildən sonra xaricdən gətirilən yüksək keyfiyyətli toxum hesabına məhsuldarlığı 30 faiz artırmaq mümkün olacaq. İdxal olunan taxıla vergi rüsumlarının tətbiq edilməsinə gəlincə, S.Vəliyev bu addımın heç bir problem yaratmayacağını bildirir. Onun fikrincə, Nazirlər Kabinetinin qərarı ilə bu ilin may ayından etibarən ölkəyə idxal olunan taxıl məhsullarına ƏDV tətbiq etməsi yerli istehsalı stimullaşdırmaq məqsədi daşıyır. Həmin qərar taxıl məhsullarının qiymətlərinə təsir göstərməyib və bundan sonra da etməyəcək. Mütəxəssis dünya taxıl bazarında gözlənilən fəsadların ölkəmizə təsir göstərməyəcəyini əmin edərək vətəndaşların etibarlı şəkildə taxıl ehtiyatları ilə təmin olunacağını əmin edir. Fermerlər və taxıl emalı müəssisələri isə KTN-in idarə rəisindən fərqli olaraq narahatdırlar. Onlar əsas problem kimi taxılın satış bazarının olmamasını göstərirlər. Fermerlərin fikrincə, artıq taxıl biçininin başlanmasına baxmayaraq, məhsulu kimə satacaqlarını bilmirlər. Fermerlər də hər il zərərlə üzləşir. Onlar əkdiyi məhsulların satış qiymətindən narazıdır. Taxıl emalı və tədarük məntəqələrin məhsulun hər kq-nı 15 qəpikdən götürür. Çörəkbişirmə müəssisələri isə 1 kq. undan 2 çörək bişirir və 60 qəpik əldə edir. Onların bütün xərcləri çıxdıqdan sonra 1 kq. taxıldan qazancı 15 qəpik olur, amma fermerin ən yaxşı halda qazancı 3 qəpik olur. Fermerlərin sözlərinə görə, indiki qiymətlərlə taxıl əkmək sərfəli sayılmır. Bir hektar sahənin becərilməsi 500 manata başa gəlir və indiki qiymətlərlə taxıl əkmək sərfəli sayılmır. Məhsulun 1 kq-nın maya dəyəri 12-15 qəpiyə başa gəldiyi halda, onu dəyərindən zərərinə satan fermer, təbii ki, maraqlı olmayacaq. İndi bir çox bölgələrdə fermerlər taxılı daha çox özlərinin una olan ehtiyaclarını qarşılamaq üçün əkirlər. Ümumiyyətlə, fermerlərə subsidiyalar verilsə də, onlar çəkdiyi xərclərini ödəyə bilmirlər. Taxılın maya dəyərinə təsir edən başlıca faktor yanacaqla bağlı xərclərdir. Bütün ölkələrdə böhranla bağlı yanacağın qiyməti ucuzlaşıb və fermerlər bundan müəyyən dərəcədə faydalanmağa başlayıblar. Respublikamızda isə taxılın maya dəyərində yer tutan faktorlar əvvəlki kimi qalır. Taxıl emalı müəssisələrinin sahibləri isə ölkəyə gətirilən taxıla ƏDV-nin tətbiqindən sonra vergi və kommunal güzəştlərin edilməsini zəruri hesab edirlər. Məsələn, "Fatıoğlu" və "Karat" müəssisələrində hesab edirlər ki, fermerlərdən taxılın normal qiymətə alınması üçün hökumət emal müəssisələrinə stimullaşdırıcı və güzəştli şərtlər tətbiq etməlidir. Eyni zamanda taxıl istehsalçılarına verilən subsidiyaların həcmi artırılmalıdır.
Ali məktəblərin birində laborant işləyirəm. 4 yaşlı qızım var. Ana-bala hər ikimiz xroniki xəstəyik. Mənə düşən ödənişsiz məzuniyyətlər barədə məlumat verməyinizi xahiş edirəm.
Elza HƏSƏNOVA, Samux rayonu.
- Əmək Məcəlləsinin 128-130-cu maddələrinə əsasən, qohumluq borcunun yerinə yetirilməsi ilə bağlı ailə, məişət və başqa sosial məsələləri təxirə salmadan həll etmək, təhsil almaq, yaradıcı elmi işlə məşğul olmaq üçün, habelə yaşına, fizioloji keyfiyyətlərinə görə işdən ayrılmaq zərurəti olduqda işçinin ödənişsiz məzuniyyətlərdən istifadə etmək hüququ vardır. Ödənişsiz məzuniyyətlər bu Məcəllədə nəzərdə tutulmuş hallarda işçilərin xahişi və ya tərəflərin qarşılıqlı razılığı ilə verilir. İşəgötürənlə işçinin qarşılıqlı razılığına əsasən, həmçinin kollektiv müqavilələrdə nəzərdə tutulan hallarda, o cümlədən əmək müqaviləsi ilə müəyyən edilən şərtlərlə işçilərə müddəti altı aydan çox olmayaraq tərəflərin mülahizəsinə əsasən müəyyən edilən ödənişsiz məzuniyyət verilə bilər. İşçilərin xahişi ilə bir iş ilində aşağıdakı hallarda və müddətdə ödənişsiz məzuniyyətlər verilir: həkim məsləhət komissiyasının rəyi əsasında xroniki xəstəliyə tutulmuş uşağı olan valideynlərdən birinə, yaxud ailənin uşağa bilavasitə qulluq edən digər üzvünə - uşaq dörd yaşına çatanadək; əlillik qrupundan və səbəbindən asılı olmayaraq əlillərə, sağlamlıq imkanları məhdud olan 18 yaşınadək işçilərə - bir təqvim ayınadək; qazanılmış immunçatışmazlığı sindromu (AİDS) xəstəliyinə tutulmuş və ya insanın immunçatışmazlığı virusu (HİV) ilə yoluxmuş uşaq böyüdən, həmçinin sağlamlıq imkanları məhdud 18 yaşınadək uşağı olan valideynlərə - 14 təqvim gününədək; ailənin xəstə üzvünə qulluq edən qohumlardan birinə - səhiyyə müəssisəsinin rəyi ilə 14 təqvim gününədək; sağlamlıq imkanları məhdud 18 yaşınadək uşaqları olan işçilərə - 14 təqvim gününədək; ailə, məişət və başqa sosial məsələləri həll etmək üçün işçilərə -7 təqvim gününədək. Bu ödənişsiz məzuniyyətlər Əmək Məcəlləsində nəzərdə tutulan minimum məzuniyyətlərdir. Eyni zamanda əmək müqaviləsində nəzərdə tutulduğu halda, hər iki tərəfin razılığı (işçinin və işəgötürənin) və ya Kollektiv müqavilələrdə nəzərdə tutulan hallarda ödənişsiz məzuniyyətlər daha çox müddətə verilə bilər. Əmək Məcəlləsinin 245-ci maddəsinə əsasən, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əməkhaqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həftəlik iş vaxtının müddəti tərəflərin razılığı ilə müəyyən edilir. Həm özünüz və həm də uşağınız xroniki xəstə olduğu üçün ödənişsiz məzuniyyətlərdən istifadə etməklə bərabər Əmək Məcəlləsinin 245-ci maddəsində nəzərdə tutulan işlənmiş vaxta mütənasib əməkhaqqı ödənilən natamam iş günü və ya natamam iş həftəsi hüququndan istifadə etməyiniz daha düzgündür. Belə olan halda siz həm işəgötürənə ziyan vurmamaqla əmək funksiyalarınızı yerinə yetirmiş olursunuz və eyni zamanda xəstəliyin müalicəsi ilə əlaqədar müəyyən vaxt qazanmış olursunuz.
Ümumdünya Ərzaq Təşkilatı bu il taxıl istehsalçısı olan ölkələrdə hava şəraitinin pis keçməsi ilə yanaşı, bir sıra ölkələrdə əkin sahəsinin də ötən illə müqayisədə azaldığını da vurğulayır. Əsas taxıl tədarükçüsü olan ABŞ, Braziliya və Avropa ölkələrində maliyyə böhranı ilə əlaqədar istehsalın azalacağı gözlənilir. Həmin ölkələrdə iri fermer və kooperativlər taxılçılığa sərmayə qoymaq istəmir. Taxıl əkininə çəkilən xərclər maya dəyərini bəzən ödəmir, ona görə də fermerlər hazırda bu sahəni gəlirli hesab etmirlər.