Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Yanvarın birinci yarısınadək bütün yeni il hədiyyələri yoxlanılacaq
Rusiyada bayram endirimlərinə nəzarətin gücləndirilməsi məqsədiilə qanunvericiliyə dəyişiklik edilib
Yeni ilin gəlişi ilə paytaxtın mağazalarının qapı və pəncərələrində "endirim kampaniyası başladı" yazılarının sayı daha da artıb. Bu yazılar nə qədər reallığa yaxındır? Mütəxəssislərin bu suala münasibətini öyrənməmişdən əvvəl bir neçə mağazaya baş çəkdik. "Endirimlər" əsasən satılmayan, uzun müddət mağazalarda yatıb qalan mallara şamil edilir. Mövsümi, alıcılarda maraq doğuran mallar isə kampaniyaya daxil olunmayıb. Ən təəccüb doğuranı odur ki, endirimlə satılan malların üzərində əvvəlki qiymət yazılmayıb.
İqtisadi İnkişaf Nazirliyinin rəsmiləri hesab edirlər ki, mağazaların bu siyasəti alıcıları çaşdırmaq məqsədi daşıyır. Ona görə də alıcılara diqqətli olmaq tövsiyə edilir. Ölkəmizdə keçirilən endirim kampaniyalarının bir mənfi cəhəti də satışda saxta malların çəkisinin artmasıdır. Onsuz da paytaxtdakı mağazalarda tanınmış markaların məhsullarına az rast gəlinir. Endirim kampaniyalarında isə Bakıdakı sexlərdə tikilən paltarlar satışa çıxarılır. Endirim kampaniyalarında diqqətimizi çəkən məqamlardan biri də 150-200 manata satılan malların İtaliya, Fransa kimi ölkələrdə tanınmış markaların adını daşımasıdır. Amma məsələ ondadır ki, tanınmış markalar endirim kampaniyalarında belə 1000-2000 manatdan aşağı geyim satmırlar. Məşhur firmaların məhsullarının qiymətinin xarici ölkələrlə müqayisədə nisbətən ucuz olmasına gəlincə, satıcılar dedilər ki, yeni mövsümün gəlməsi ilə həm dükanı, həm də geyimləri reklam etməkdən ötrü belə endirimlərə start verilib. Əslində endirim kampaniyaları nə məqsədlə keçirilməlidir? sualına ekspert Rəhim Hüseynov aydınlıq gətirdi. Avropada keyfiyyət problemi olmadığından firmalar öz məhsullarını tanıtmaq, alıcı toplamaq üçün bu üsula əl atırlar. Digər məqsəd ötən mövsümlərdən qalan geyimləri sataraq nağd pula çevirməkdir. Məqsədlərdən biri də daimi alıcılarını qoruyub saxlamaq üçün onlara yeni il ərəfəsində güzəştə getməkdir. Azərbaycanda isə adətən endirim kampaniyaları mağaza sahiblərinin yaxşı pul qazanmaq mənbəyidir. Çünki əksər "endirim kompaniya"larının monitorinqi göstərir ki, bu heç də paytaxtın ticarət obyektlərində qiymətlərin kəskin azalmasına səbəb olmayıb. Bəzi ticarət obyektlərinin 50-60 faiz endirim elan edilməsinə baxmayaraq, "endirilmiş qiymətlər" yüsək olaraq qalmaqdadır. İqtisadi və Sosial İnkişaf Mərkəzinin mütəxəssislərinin qənaətinə görə, "saxta endirimlər" problemi son illərin ən çox diqqəti çəkən məsələlərindəndir. Belə ki, Bakının bir çox ticarət obyektlərində endirimlər saxta xarakter daşıyır və bu, sadəcə, alıcıları cəlb etmək məqsədi ilə həyata keçirilir. Ekspertlər hesab edirlər ki, süni qiymət artımları kimi saxta endirimlər də ölkə qanunvericiliyinə ziddir. Buna görə də, İqtisadi İnkişaf Nazirliyi saxta endirimlərə qarşı da mübarizəni gücləndirməlidir. Yeri gəlmişkən, Rusiyada bayram endirimlərinə nəzarətin gücləndirilməsi məqsədi ilə qanunvericiliyə dəyişiklik edilib. Artıq saxta endirimlərə yol verən ticarət obyektlərini ciddi maliyyə cərimələri gözləyir. Analoji qanunvericilik aktları bir sıra MDB ölkələrində, hətta bəzi Mərkəzi və Şərqi Avropa dövlətlərində də qəbul edilib. Bu baxımdan Azərbaycanda da uyğun addımın atılması olduqca vacibdir.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Yanvarın birinci yarısınadək bütün yeni il hədiyyələri yoxlanılacaq