Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Avro "ölür", dollar zəifləyir, manat isə möhkəmlənir
Dünya iqtisadi böhranı Avropa valyuta bazarını silkələməyə başlayıb. Artıq dünyanın ən dəyərli valyutalarının məzənnəsi ucuzlaşmaqda davam edir. Dolların ardınca avronun da kəskin şəkildə ucuzlaşması müşayiət olunmaqdadır. Məsələ ondadır ki, indi dollar bahalaşmağa, avro isə dəyərdən düşməyə başlayıb. 2009-cu ilin noyabr-dekabr aylarında avro etibarlı valyuta kimi mövqeyini qismən itirsə də, 2010-cu ilin əvvəllərindən avronun məzənnəsi yenidən aşağı düşüb. Avropa İttifaqı dövlətlərinin əksəriyyətində müşahidə olunan böhran meyilləri isə avronun etibarının aşağı düşməsini daha da sürətləndirib. Yunanıstanda iqtisadi vəziyyətin gərginləşməsi isə avrozonanın perspektivlərini sual altına alıb. Qeyd edək ki, Yunanıstan iqtisadiyyatı son 2 ildə geriləməyə doğru davam edir və artıq bu ölkədə büdcə vəsaitlərinin 40 faizindən çoxu xarici borc hesabına formalaşmaqdadır. Xarici borcların həcmi 300 milyard dollara çatıb. Bu təhlükəli tendensiya xarici investorları və Avropa İttifaqının maliyyə institutlarını ciddi şəkildə narahat etməyə başlayıb. Təbii ki, Aİ Yunanıstandakı defoltun avrozonaya yayılmasının geniş xarakter almasından narahatdır. Ekspertlər böhranın İspaniya və Portuqaliyaya keçməsi riskinin çox böyük olduğunu bildirirlər. Artıq həmin ölkələrin də büdcə kəsiri ilə bağlı eyni problemlər müşahidə olunur və bu, daxili bazarlara təsir etməyə başlayıb. Proseslərin mənfi məcrada inkişaf etməsi vahid maliyyə sisteminin dağılmasını sürətləndirə bilər. Nəticədə Avropanın 16 ölkəsinin ortaq valyutası olan avronun tədavül aləti kimi sıradan çıxması da qaçılmaz olar. Avronun taleyi ilə bağlı dünyanın tanınmış maliyyə institutları müxtəlif proqnozlar verirlər. Ekspertlər avronun növbəti aylarda daha 6 faiz aşağı düşəcəyini proqnozlaşdırırlar. Avronun dəyərini itirməsi manat-avro münasibətlərinə də təsirsiz ötüşməyib. Ötən ilin noyabr ayında Azərbaycanın milli valyutası olan manat bir sıra dünya valyutalarına, o cümlədən dollar və avroya nisbətdə 4 faiz bahalaşıb. Dekabrda isə manatın məzənnəsi Avropanın vahid valyutası ilə müqayisədə 7 faiz möhkəmlənib. Manat Böyük Britaniya funt-sterlinqi ilə nisbətdə də bahalaşıb. Son 3 ayda milli valyutamız bu pula nisbətdə 0,8 faiz artıb. Mərkəzi Bankdan verilən məlumata görə, 2010-cu ildə həyata keçiriləcək monetar siyasətin başlıca istiqamətlərindən biri milli valyutanın məzənnəsini sabit qorumaqdan ibarət olacaq. Bu il manatın dollar və avro ilə nisbətdə məzənnəsi təxminən 2009-cu ildəki səviyyədə saxlanılacaq. Hətta MB dolların və avronun kəskin şəkildə ucuzlaşmasına da imkan verməyəcəyini bildirir. ELTAC.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Avro "ölür", dollar zəifləyir, manat isə möhkəmlənir