Azərbaycan Respublikasının Prezidenti İlham Əliyev
martın 1-də
… Dövlət Teleqraf Agentliyinin-AzərTAc-ın 90 illik yubiley mərasimində və MDB Milli İnformasiya Agentliklərinin Rəhbərləri Şurasının XI iclasında iştirak edən nümayəndə heyətlərinin başçılarını qəbul etmişdir. … Gəncə Dövlət Tarix-Mədəniyyət Qoruğu ərazisindəki "İmamzadə" kompleksinin təmiri, bərpası və ətrafında abadlaşdırma işlərinin aparılması ilə əlaqədar Sərəncam imzalamışdır.
martın 2-də
… Avropa Şurasının insan hüquqları üzrə komissarı Tomas Hammerberqi qəbul etmişdir. … Avropa Xalq Partiyasının prezidenti Vilfred Martinsi qəbul etmişdir. … Avropa İttifaqının xarici işlər və təhlükəsizlik siyasəti üzrə ali nümayəndəsini və Avropa Komissiyası vitse-prezidentinin adından, Avropa İttifaqına növbəti sədrlik edən dövlətin - İspaniya Krallığının xarici işlər və əməkdaşlıq naziri Migel Angel Moratinosun başçılıq etdiyi nümayəndə heyətini qəbul etmişdir.
martın 3-də
… Rusiya Federasiyası Baş nazirinin birinci müavini İqor Şuvalovun başçılıq etdiyi nümayəndə heyətini qəbul etmişdir. … Niderlandın Xarici İşlər Nazirliyinin baş katibi, nazirin müavini Ed Kroninburqun başçılıq etdiyi nümayəndə heyətini qəbul etmişdir. … Filippinin ölkəmizdə yeni təyin olunmuş fövqəladə və səlahiyyətli səfiri Pedro O. Çanın, İrlandiyanın ölkəmizdə yeni təyin olunmuş fövqəladə və səlahiyyətli səfiri Tomas Rasselin, Liviyanın ölkəmizdə yeni təyin olunmuş fövqəladə və səlahiyyətli səfiri Saad Mustafa Mucbirin və Danimarkanın ölkəmizdə yeni təyin olunmuş fövqəladə və səlahiyyətli səfiri Ole Egberg Mikkelsenin etibarnamələrini qəbul etmişdir.
martın 4-də
… Təcili və Təxirəsalınmaz Tibbi Yardım Xidmətinin maddi texniki bazasının gücləndirilməsi ilə bağlı əlavə tədbirlər haqqında Sərəncam imzalamışdır. Sərəncama əsasən, Azərbaycan Respublikasının 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan müasir təcili tibbi yardım avtomobillərinin alınması üçün Azərbaycan Respublikasının Səhiyyə Nazirliyinə 7,0 (yeddi) milyon manat vəsait ayrılacaq.
Yanvarın 29-da Belçikanın paytaxtında kütləvi ixtisarlar, həyat səviyyəsinin aşağı düşməsi ilə bağlı böyükmiqyaslı nümayiş keçirildi. Ölkənin 3 ən iri həmkarlar ittifaqları təşkilatlarının iştirak etdiyi ümumxalq marşı əvvəlcədən “güc nümayişi”nə çevrildi.
Bu nümayiş və onun səbəbləri haqqında "Solidarnost"a hərəkatın birbaşa iştirakçısı, BHİK-in işçisi Anton Leppik danışdı. Ölkənin bütün regionlarından 30.000 nəfərdən çox insan Xristian Həmkarlar İttifaqı, Beynəlxalq Həmkarlar İttifaqları Konfederasiyası və Belçikanın Liberal Həmkarlar İttifaqı tərəfindən təşkil olunmuş nümayişdə iştirak etmək üçün küçələrə çıxdılar. Nümayişçilərin ilk sıralarında Opel, İnbev, Hewlett-Packard-ın və digər maliyyə nəhənglərinin Belçikadakı kütləvi ixtisarlar olan müəssisələrinin işçiləri gedirdi. Yürüş Avropa Komissiyasının binasından başladı və ikinci Kral Albert bulvarında qurtardı. Həmkarlar ittifaqları başçıları mətbuat qarşısında çıxış edərək bildirdilər ki, əgər bu cür siyasət davam etsə, onda həmkarlar ittifaqları təşkilatları "Fransız şablonuna uyğun", yəni ümumi kütləvi tətillərə hazırlığa başlayacaqlar. Xatırladaq ki, axırıncı belə kütləvi nümayiş 2009-cu ilin sentyabrında Brüsseldə bir gün ərzində bütün həyatı iflic etmiş, kilometrlərlə tıxaclar yaratmışdır. AHİK-in beynəlxalq əlaqələr şöbəsi.
- Səhiyyə sahəsində taun əleyhinə müəssisələrdə (sanitariyalar, şöbələr, laboratoriyalar, institutlar) əmək fəaliyyəti ilə məşğul olan işçilərin əmək şəraitinə və əmək funksiyasının xarakterinə görə neçə gün əlavə məzuniyyət hüququ vardır?
Qənimət HÜSEYNOV, Hacıqabul rayonu.
- Nazirlər Kabinetinin 2004-cü il 5 iyul tarixli, 92 nömrəli qərarı ilə təsdiq edilmiş "Əmək şəraitinə və əmək funksiyasının xarakterinə görə əlavə məzuniyyət hüququ verən, zərərli və ağır istehsalatların, peşə və vəzifələrin Siyahısı"nın 37-ci bölməsinin113-125-ci bəndlərinə əsasən, səhiyyə sahəsində taun əleyhinə müəssisələrdə (sanitariyalar, şöbələr, laboratoriyalar, institutlar) şübhəli, yaxud yoluxucu materiallarla bilavasitə və yaxud onlarla əlaqəsi olan işlərdə və xüsusi təhlükəli infeksiyalar üzrə yoluxucu otaqlarda (bokslarda), eləcə də bakterioloji preparatların istehsalında işləyən işçilərin: o Avtoklavçının 18 təqvim günü, o Sterilizasiya aparatçısının 18 təqvim günü, o Baytar həkiminin 24 təqvim günü, o Həkim, zooloq və entomoloqun 24 təqvim günü, o Müəssisə direktoru (rəisi) və onun elmi işlər, istehsalat üzrə müavininin 24 təqvim günü, laboratoriyanın və şöbənin (bölmənin) müdirinin 24 təqvim günü, o Təlimatçı- dezinfektorun və laborantın 18 təqvim günü, o Kiçik tibbi heyətin və tauna qarşı müəssisənin digər işçilərinin 6 təqvim günü, o Elmi işçinin və texniki rəhbərin 24 təqvim günü, preparatorun 18 təqvim günü əmək şəraitinə və əmək funksiyasının xarakterinə görə əlavə məzuniyyət hüququ vardır.
Yanvarın 29-da Belçikanın paytaxtında kütləvi ixtisarlar, həyat səviyyəsinin aşağı düşməsi ilə bağlı böyükmiqyaslı nümayiş keçirildi. Ölkənin 3 ən iri həmkarlar ittifaqları təşkilatlarının iştirak etdiyi ümumxalq marşı əvvəlcədən “güc nümayişi”nə çevrildi.