Azərbaycan Respublikasının Prezidenti İlham Əliyev
martın 1-də
… Dövlət Teleqraf Agentliyinin-AzərTAc-ın 90 illik yubiley mərasimində və MDB Milli İnformasiya Agentliklərinin Rəhbərləri Şurasının XI iclasında iştirak edən nümayəndə heyətlərinin başçılarını qəbul etmişdir. … Gəncə Dövlət Tarix-Mədəniyyət Qoruğu ərazisindəki "İmamzadə" kompleksinin təmiri, bərpası və ətrafında abadlaşdırma işlərinin aparılması ilə əlaqədar Sərəncam imzalamışdır.
martın 2-də
… Avropa Şurasının insan hüquqları üzrə komissarı Tomas Hammerberqi qəbul etmişdir. … Avropa Xalq Partiyasının prezidenti Vilfred Martinsi qəbul etmişdir. … Avropa İttifaqının xarici işlər və təhlükəsizlik siyasəti üzrə ali nümayəndəsini və Avropa Komissiyası vitse-prezidentinin adından, Avropa İttifaqına növbəti sədrlik edən dövlətin - İspaniya Krallığının xarici işlər və əməkdaşlıq naziri Migel Angel Moratinosun başçılıq etdiyi nümayəndə heyətini qəbul etmişdir.
martın 3-də
… Rusiya Federasiyası Baş nazirinin birinci müavini İqor Şuvalovun başçılıq etdiyi nümayəndə heyətini qəbul etmişdir. … Niderlandın Xarici İşlər Nazirliyinin baş katibi, nazirin müavini Ed Kroninburqun başçılıq etdiyi nümayəndə heyətini qəbul etmişdir. … Filippinin ölkəmizdə yeni təyin olunmuş fövqəladə və səlahiyyətli səfiri Pedro O. Çanın, İrlandiyanın ölkəmizdə yeni təyin olunmuş fövqəladə və səlahiyyətli səfiri Tomas Rasselin, Liviyanın ölkəmizdə yeni təyin olunmuş fövqəladə və səlahiyyətli səfiri Saad Mustafa Mucbirin və Danimarkanın ölkəmizdə yeni təyin olunmuş fövqəladə və səlahiyyətli səfiri Ole Egberg Mikkelsenin etibarnamələrini qəbul etmişdir.
martın 4-də
… Təcili və Təxirəsalınmaz Tibbi Yardım Xidmətinin maddi texniki bazasının gücləndirilməsi ilə bağlı əlavə tədbirlər haqqında Sərəncam imzalamışdır. Sərəncama əsasən, Azərbaycan Respublikasının 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan müasir təcili tibbi yardım avtomobillərinin alınması üçün Azərbaycan Respublikasının Səhiyyə Nazirliyinə 7,0 (yeddi) milyon manat vəsait ayrılacaq.
Hörmətli redaksiya! Qəzetinizin daimi oxucusu və abunəçisiyəm. 1954-cü il sentyabrın 14-də Cənubi Uralda yerləşən "Totskiy" hərbi poliqonunda aparılan atom bombasının sınağında iştirak etmiş və kifayət qədər şüalanmışam. Həmin vaxtlar belə sınaqlar tamamilə məxvi olduğundan, bu dövlət sirrini yaymamaq üçün dilimizdən iltizam almışdılar. Ona görə də müalicə olunduğum uzun illər ərzində səhhətimin bu vəziyyətə düşməsinin səbəbini həkimlərə açıqlaya bilmirdim. Səhhətimin pisləşməsi ilə əlaqədar olaraq hazırda işlədiyim akademik Mirqasımov adına Respublika Klinik Xəstəxanasının həmkarlar ittifaqı komitəsinin sədri, həkim-cərrah Adilə xanım Rəhimovaya müraciət etdim. O tez bir zamanda "Günəşli" sanatoriyasına getməyimi məsləhət gördü. Buradakı abu-hava ilk gündən məni çox sevindirdi. Sanatoriyanın müalicə, yataq korpuslarında, yeməkxanasında hər cür şərait yaradılmışdır. Müalicədən sonra özümü gümrah hiss edirəm. Mənimlə eyni vaxtda dincəlib müalicə olunan Göyçaydan Sabir, İsmayıl, Bakıdan Musa, Füzulidən Taleh, Sumqayıtdan Vüqar və digərlərinin xahişini nəzərə alaraq qəzetiniz vasitəsilə sanatoriyanın baş həkimi Cabbar Ağayarova, onun müavini Əziz Həsənova, şöbə müdiri Mahmud Süleymanova, tibb bacıları Kəmalə, Əsmət, Səhər, Lalə, Şirinə, baş aşbaz Tofiqə, xörəkpaylayan Arifəyə və adları çəkilməyənlərə bizim minnətdarlığımızı və xoş arzularımızı çatdırasınız.
Əbdül ŞƏRİFZADƏ, hərbi və əmək veteranı, ehtiyatda olan polkovnik-leytenant.
- Səhiyyə sahəsində taun əleyhinə müəssisələrdə (sanitariyalar, şöbələr, laboratoriyalar, institutlar) əmək fəaliyyəti ilə məşğul olan işçilərin əmək şəraitinə və əmək funksiyasının xarakterinə görə neçə gün əlavə məzuniyyət hüququ vardır?
Qənimət HÜSEYNOV, Hacıqabul rayonu.
- Nazirlər Kabinetinin 2004-cü il 5 iyul tarixli, 92 nömrəli qərarı ilə təsdiq edilmiş "Əmək şəraitinə və əmək funksiyasının xarakterinə görə əlavə məzuniyyət hüququ verən, zərərli və ağır istehsalatların, peşə və vəzifələrin Siyahısı"nın 37-ci bölməsinin113-125-ci bəndlərinə əsasən, səhiyyə sahəsində taun əleyhinə müəssisələrdə (sanitariyalar, şöbələr, laboratoriyalar, institutlar) şübhəli, yaxud yoluxucu materiallarla bilavasitə və yaxud onlarla əlaqəsi olan işlərdə və xüsusi təhlükəli infeksiyalar üzrə yoluxucu otaqlarda (bokslarda), eləcə də bakterioloji preparatların istehsalında işləyən işçilərin: o Avtoklavçının 18 təqvim günü, o Sterilizasiya aparatçısının 18 təqvim günü, o Baytar həkiminin 24 təqvim günü, o Həkim, zooloq və entomoloqun 24 təqvim günü, o Müəssisə direktoru (rəisi) və onun elmi işlər, istehsalat üzrə müavininin 24 təqvim günü, laboratoriyanın və şöbənin (bölmənin) müdirinin 24 təqvim günü, o Təlimatçı- dezinfektorun və laborantın 18 təqvim günü, o Kiçik tibbi heyətin və tauna qarşı müəssisənin digər işçilərinin 6 təqvim günü, o Elmi işçinin və texniki rəhbərin 24 təqvim günü, preparatorun 18 təqvim günü əmək şəraitinə və əmək funksiyasının xarakterinə görə əlavə məzuniyyət hüququ vardır.
Hörmətli redaksiya! Qəzetinizin daimi oxucusu və abunəçisiyəm.