Azərbaycan Respublikasının Prezidenti İlham Əliyev
(avqustun 30-da) ... Sinqapur şəhərində keçirilən yeniyetmələrin I olimpiya oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalamışdır. … Sinqapurda keçirilən yeniyetmələrin I yay olimpiya oyunlarında iştirak etmiş idmançıları və mütəxəssisləri qəbul etmişdir.
(avqustun 31-də) … Müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etmişdir.
(sentyabrın 1-də) … və xanımı Mehriban Əliyeva Bakıda Dövlət Bayrağı Meydanının təntənəli açılış mərasimində iştirak etmişlər.
(sentyabrın 2-də) … və xanımı Mehriban Əliyevanın adından ölkəmizə rəsmi səfərə gələn Rusiya Federasiyasının Prezidenti Dmitri Medvedevin və xanımı Svetlana Medvedevanın şərəfinə "Gülüstan" sarayında rəsmi ziyafət təşkil edilmişdir.
(sentyabrın 3-də) … və Rusiyanın dövlət başçısı Dmitri Medvedevin görüşündə Azərbaycan və Rusiya arasında dövlət sərhəddi, təbii qazın alqı-satqısı və Samur çayı ilə bağlı sənədlər imzalanmışdır. … və Rusiya Prezidenti Dmitri Medvedev mətbuat konfransında bəyanatla çıxış etmişlər.
- "Torpaq icarəsi haqqında" Qanunun 9-cu maddəsinə əsasən, torpaqlar icarəyə verilərkən aşağıdakı şərtlər nəzərə alınır: o ərazinin təbii-coğrafi şəraitinin, torpaqdan istifadənin müddətinin və xüsusiyyətlərinin, qonşu torpaqların mülkiyyətçilərinin və istifadəçilərinin qanunla qorunan mənafelərinin nəzərə alınması; o dövlət və bələdiyyə torpaqlarının icarəyə verilməsində torpaq qanunvericiliyində nəzərdə tutulmuş növbəliliyə əməl edilməsi; o torpaqların təyinatı üzrə istifadə edilməsi; o torpaqların istifadəsi zamanı ekolojı tarazlığın gözlənilməsi və ətraf mühitin mühafizəsinin təmin edilməsi; o torpaq sahələrinin yerquruluşu layihələri və yaşayış məntəqələrinin baş planları əsasında verilməsi; o kənd təsərrüfatı təyinatlı torpaqların mühafizəsi, keyfiyyətinin və münbitliyinin qorunması, bərpası və yaxşılaşdırılmasının təmin edilməsi.
- Azərbaycan Respublikası qanunvericiliyi ilə Macarıstan və Kiprdə 1 günlük ezamiyyə normaları hansı məbləğdə təyin edilmişdir?
Rəşad İSLAMOV, Bakı şəhəri.
- Nazirlər Kabinetinin 25 yanvar 2008-ci il tarixli, 14 saylı "Ezamiyyə xərclərinin normaları haqqında" qərarına bir nömrəli əlavəyə əsasən, Macarıstanda- 160 avro məbləğində, Kiprdə - 160 avro məbləğində 1 günlük ezamiyyə normaları təyin edilmişdir.
- İşçilərin " əmək müqaviləsinin ləğv edilməsi barədə əmrin etibarsız hesab edilməsi, işə bərpa və məcburi işburaxmaya görə əməkhaqqının ödənilməsi barədə " iddiaları üzrə və ya "əməkhaqqının ödənilməsi" barədə mülki işlərə dair təmin olunmuş iddia ərizələri üzrə məhkəmə qətnamələri Apelyasiya Məhkəməsinə qədər icra oluna bilərmi? Səidə HƏTƏMOVA, Bakı şəhəri.
- Mülki Prosessual Məcəllənin 235.1.2-ci maddəsinə əsasən, əməkhaqqının ödənilməsi barədə iddialar üzrə qəbul edilən qətnamələr digər qətnamələrdən fərqli olaraq dərhal icra edilən qətnamələrə aiddir. İşçilərin " əmək müqaviləsinin ləğv edilməsi barədə əmrin etibarsız hesab edilməsi, işə bərpa və məcburi işburaxmaya görə əməkhaqqının ödənilməsi barədə" iddiaları üzrə və ya "əməkhaqqının ödənilməsi" barədə mülki işlərə dair iddia ərizəsinin təmin olunması barədə məhkəmə qətnaməsi qəbul edilərsə, burada işçinin məcburi işburaxmaya görə əməkhaqqının ödənilməsi və ya əməkhaqqının ödənilməsi barədə iddiası da təmin edilmiş olur. Bu səbəbdən hər bir işçi bilməlidir ki , mülki işin iddia tələbinin əməkhaqqının ödənilməsi hissəsi dərhal icra edilən qətnamələrə aiddir, iddia ərizəsi verilərkən və ya məhkəmə prosesinin gedişində qəbul ediləcək qətnamənin dərhal icra edilməsi barədə iddia tələbi irəli sürülməlidir. Cavabdeh müəssisənin apelyasiya şikayəti verib-verməməsindən asılı olmayaraq birinci instansiya məhkəməsi olan rayon məhkəmələrinin əməkhaqqının ödənilməsi barədə qətnamələri dərhal icra olunmalıdır. Hesab edirəm ki, əməkhaqqının ödənilməsi barədə işçinin təmin olunmuş iddia tələbi işəgötürən tərəfindən təmin olunmadan apelyasiya şikayətinin qəbul edilməsi qanunauyğun deyil. Apelyasiya şikayətini təqdim edən işəgötürən apelyasiya şikayətinə əməkhaqqının ödənilməsi barədə müvafiq arayışı da bu şikayətə əlavə etməlidir. Əks halda isə bu şikayətin qəbul edilməsindən imtina edilməlidir.
- "İşə bərpa və məcburi işburaxmaya görə əməkhaqqının ödənilməsi barədə " iddialar üzrə mülki işlərə hansı müddətdə baxılıb qərar qəbul ediməlidir?
Rəhim POLADOV, Sumqayıt şəhəri.
- Mülki Prosessual Məcəllənin 172.2-ci maddəsinə əsasən, "işə bərpa və məcburi işburaxmaya görə əməkhaqqının ödənilməsi barədə " iddialar üzrə mülki işlərə iddia ərizəsi məhkəməyə daxil olduğu gündən bir ay müddətində baxılmalı və müvafiq qərar qəbul edilməlidir. Qeyd etmək istəyirəm ki, bu müddət hakim tərəfindən mülki işin icraata qəbul edilməsi anından deyil, iddia ərizəsinin məhkəməyə daxil olduğu gündən başlayır.
Ali məktəblərin birində laborant işləyirəm. 4 yaşlı qızım var. Ana-bala hər ikimiz xroniki xəstəyik. Mənə düşən ödənişsiz məzuniyyətlər barədə məlumat verməyinizi xahiş edirəm.
Elza HƏSƏNOVA, Samux rayonu.
- Əmək Məcəlləsinin 128-130-cu maddələrinə əsasən, qohumluq borcunun yerinə yetirilməsi ilə bağlı ailə, məişət və başqa sosial məsələləri təxirə salmadan həll etmək, təhsil almaq, yaradıcı elmi işlə məşğul olmaq üçün, habelə yaşına, fizioloji keyfiyyətlərinə görə işdən ayrılmaq zərurəti olduqda işçinin ödənişsiz məzuniyyətlərdən istifadə etmək hüququ vardır. Ödənişsiz məzuniyyətlər bu Məcəllədə nəzərdə tutulmuş hallarda işçilərin xahişi və ya tərəflərin qarşılıqlı razılığı ilə verilir. İşəgötürənlə işçinin qarşılıqlı razılığına əsasən, həmçinin kollektiv müqavilələrdə nəzərdə tutulan hallarda, o cümlədən əmək müqaviləsi ilə müəyyən edilən şərtlərlə işçilərə müddəti altı aydan çox olmayaraq tərəflərin mülahizəsinə əsasən müəyyən edilən ödənişsiz məzuniyyət verilə bilər. İşçilərin xahişi ilə bir iş ilində aşağıdakı hallarda və müddətdə ödənişsiz məzuniyyətlər verilir: həkim məsləhət komissiyasının rəyi əsasında xroniki xəstəliyə tutulmuş uşağı olan valideynlərdən birinə, yaxud ailənin uşağa bilavasitə qulluq edən digər üzvünə - uşaq dörd yaşına çatanadək; əlillik qrupundan və səbəbindən asılı olmayaraq əlillərə, sağlamlıq imkanları məhdud olan 18 yaşınadək işçilərə - bir təqvim ayınadək; qazanılmış immunçatışmazlığı sindromu (AİDS) xəstəliyinə tutulmuş və ya insanın immunçatışmazlığı virusu (HİV) ilə yoluxmuş uşaq böyüdən, həmçinin sağlamlıq imkanları məhdud 18 yaşınadək uşağı olan valideynlərə - 14 təqvim gününədək; ailənin xəstə üzvünə qulluq edən qohumlardan birinə - səhiyyə müəssisəsinin rəyi ilə 14 təqvim gününədək; sağlamlıq imkanları məhdud 18 yaşınadək uşaqları olan işçilərə - 14 təqvim gününədək; ailə, məişət və başqa sosial məsələləri həll etmək üçün işçilərə -7 təqvim gününədək. Bu ödənişsiz məzuniyyətlər Əmək Məcəlləsində nəzərdə tutulan minimum məzuniyyətlərdir. Eyni zamanda əmək müqaviləsində nəzərdə tutulduğu halda, hər iki tərəfin razılığı (işçinin və işəgötürənin) və ya Kollektiv müqavilələrdə nəzərdə tutulan hallarda ödənişsiz məzuniyyətlər daha çox müddətə verilə bilər. Əmək Məcəlləsinin 245-ci maddəsinə əsasən, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əməkhaqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həftəlik iş vaxtının müddəti tərəflərin razılığı ilə müəyyən edilir. Həm özünüz və həm də uşağınız xroniki xəstə olduğu üçün ödənişsiz məzuniyyətlərdən istifadə etməklə bərabər Əmək Məcəlləsinin 245-ci maddəsində nəzərdə tutulan işlənmiş vaxta mütənasib əməkhaqqı ödənilən natamam iş günü və ya natamam iş həftəsi hüququndan istifadə etməyiniz daha düzgündür. Belə olan halda siz həm işəgötürənə ziyan vurmamaqla əmək funksiyalarınızı yerinə yetirmiş olursunuz və eyni zamanda xəstəliyin müalicəsi ilə əlaqədar müəyyən vaxt qazanmış olursunuz.
- Torpaqlar hansı şərtlərlə icarəyə verilə bilər?