“Atilla” İK  ikinci olub


Baxıldı : 33

Tarix : 2019-11-29 18:51:20


Fövqəladə Hallar Nazirliyinin İdman-Sağlamlıq Mərkəzinin arenasında kişilər və qadınlar arasında cüdo üzrə açıq Bakı çempionatı keçirilib. 2 gün davam edən yarışda paytaxtın 27 klubundan 235 cüdoçu medallar uğrunda mübarizə aparıb.

Kişilər arasında yarışda “Atilla” İdman Klubunun yetirmələri Kərim Məmmədov (81 kq.) birinci, Samir Sarıyev (-60 kq.) ikinci, Sənan Əhmədov (-60 kq.) üçüncü olub. Niyal Əzimov    (-100 kq.) yalnız final görüşündə uduzaraq  ikinci yeri tutub. 

Qızların mübarizəsində Günel Bağırzadə ( 63 kq.) bütün rəqiblərinə qalib gələrək fəxri kürsünün ilk pilləsində qərarlaşıb. 48 kq. çəki dərəcəsində yarışan Gülnar Paşayeva və Aynur Süleymanova üçüncü yeri tutublar.

Bu nəticə ilə “Atilla” İK çempionatda ikinci olub.

Şəhər çempionatında fərqlənən cüdo ustaları gələn ay keçiriləcək Azərbaycan birinciliyində iştirak etmək hüququ qazanıblar.