Bir qızıl və bir gümüş medal qazanıblar


Baxıldı : 86

Tarix : 2019-01-07 05:00:08


Dekabrın 22-23-də Gürcüstanda yeniyetmələr arasında dünya və olimpiya çempionu Leri Xabelovun xatirəsinə həsr olunmuş sərbəst güləş üzrə beynəlxalq turnir keçirilib. Yarışda 5 ölkənin 160-dək idmançısı 10 çəki dərəcəsində qalibi müəyyən etmək üçün mübarizə aparıb. Beynəlxalq turnirdə iştirak edən “Zenit” İdman Cəmiyyətinin yetirmələri Abdulrəhman İbrahimov (45 kq.) və Nurəddin Novruzov (48 kq.) uğurla çıxış ediblər. Abdulrəhman öz çəki dərəcəsində bütün rəqiblərinə qalib gələrək fəxri kürsünün ən yüksək pilləsinə qalxıb. Nurəddin isə üçüncü yeri tutub.

Gəncə şəhər “Zenit” İdman Cəmiyyətinin pəhləvanları yarışa məşqçi-müəllim Samir Əliyevin rəhbərliyi altında hazırlaşıblar.