Dəyişiklik etiraza səbəb olub


Baxıldı : 88

Tarix : 2019-02-04 04:30:49


Bolqarıstanda şəxsi məlumatların qorunması ilə bağlı dəyişiklik təklifinin parlament tərəfindən qəbul olunması jurnalistlərin  etirazına səbəb olub. Dəyişiklik jurnalistlərin hüquqlarının məhdudlaşdırılması kimi dəyərləndirilib. Yeni qanun Şəxsi Məlumatları Mühafizə Komissiyasının,  medianın müstəqil fəaliyyətinə təsir etməyə imkan verir. Burada əsasən dövlət müəssisələrində çalışanlar idarəetmədə hakim mövqe tutanlar haqda bir sıra material və məlumatların yayımlanmasına senzura tətbiq ediləcək. Həmçinin bu şəxslərlə bağlı hər hansı xəbərdə mənbənin göstərilməsi vacib hesab olunacaq. Komissiyanın tələbləri pozulduqda media nümayəndələrinə pul cəzası tətbiq ediləcək.

Hökumət dəyişikliyin beynəlxalq demokratik standartlara uyğun hazırlandığını iddia etsə də, jurnalistlərin hüquqlarını müdafiə edən həmkarlar təşkilatları mətbuat azadlığının pozulduğunu bildirirlər.

Beynəlxalq Jurnalistlər Federasiyasının baş katibi Antoni Bellanger məsələ ilə bağlı deyib ki, jurnalistlərin fəaliyyətinə qadağa qoyan, media və fikir azadlığını sərhədləyən qanunlara demokratik cəmiyyətdə yer yoxdur.

Cavid SƏFƏROV