Komanda hesabında ikinci olublar


Baxıldı : 28

Tarix : 2019-07-08 07:09:38


İyunun 26-28-də “Sərhədçi” İdman Olimpiya Mərkəzində 23 yaşınadək (U23) gənclər arasında cüdo üzrə Bakı şəhər açıq birinciliyi keçirilib.

27 klubdan 200 (175 oğlan, 25 qız) idmançının iştirak etdiyi yarışda “Məhsul” İdman Cəmiyyətinin gənc cüdoçuları da qüvvələrini sınayıblar. Onlar iki qızıl və bir bürünc medal qazanıblar.

Qızıl medallara Sona Tumarxanova    (48 kq.) və Səbinə Qədirova (52 kq.) layiq görülüblər. Fidan Əliyeva (57 kq.) bürünc medala sahib olub. Gülcahan Hacıyeva isə beşinci yeri tutub. Məşqçi-müəllim Mətanət Süleymanovanın rəhbərliyi altında “Məhsul” İdman Cəmiyyətinin xanım cüdoçuları göstərdikləri nəticə ilə komanda hesabında ikinci yeri tutublar.