Müəllimlər arasında voleybol yarışı


Baxıldı : 48

Tarix : 2018-11-23 21:16:27


Noyabrın 12-16-da  Təhsil İşçiləri Azad Həmkarlar İttifaqı (TİAHİ) Şəki Rayon Komitəsinin təşkilatçılığı ilə Şəki Fizika-riyaziyyat və humanitar təmayüllü liseyin idman zalında  rayonun təhsil müəssisələrində çalışan müəllim və texniki işçilərdən ibarət komandalar arasında voleybol yarışları  keçirilib. Yarışlar 17 Noyabr - Milli Dirçəliş Günü  münasibətilə təşkil olunub.

12 komandanın iştirak etdiyi yarışın yekununda Şəki şəhər 20 №-li tam orta məktəbi I yeri, Şəki Dövlət Regional Kollecinin komandası II yeri, Qoxmuq kənd tam orta məktəbinin komandası III yeri tutub. Şəhər 3 №-li və 7 №-li tam orta məktəbləri isə həvəsləndirici mükafata layiq görülüb.

Qalib komandalar TİAHİ Şəki Rayon Komitəsi tərəfindən Fəxri Fərman və hədiyyə ilə mükafatlandırılıblar.