Süni intellektdən istifadə olunacaq


Baxıldı : 62

Tarix : 2017-07-07 22:16:29


Son zamanlar əczaçılar tibbi dərman preparatlarının hazırlanması proseduruna süni intellektin cəlb edilməsi ilə daha çox maraqlanırlar. Böyük Britaniyanın əczaçılıq şirkəti “GlaxoSmithKline” dərmanların hazırlanması üçün bu texnologiyalardan istifadə etmək niyyətindədir. Belə ki, şirkət rəhbərləri bu kimi innovativ texnologiyaların yaradılmasında ixtisaslaşmış “Exscientia” konserni ilə müqavilə imzalayıblar. Hazırda mütəxəssislər dərmanların yaradılması sahəsində süni intellektin potensial tətbiqinə dair tədqiqatla məşğul olurlar.

Alimlər preparatların istehsalı ehtimalının proqnozlaşdırılması üçün ən yeni, güclü kompüterlərdən və maşın təlimi mexanizmlərindən istifadə edirlər. Beləliklə, əczaçılar öz maddi vəsaitlərinə və zamana qənaət edərək əlavə təcrübələr aparmayacaqlar.

Azər MUSTAFAYEV