Voleybol yarışı keçirilib


Baxıldı : 56

Tarix : 2019-11-25 04:59:24


“Gənclik” Tələbə İdman Cəmiyyəti Respublika Şurasının təşkilatçılığı ilə orta ixtisas təhsil müəssisələri tələbələri arasında keçirilən XIV Respublika Spartakiadası çərçivəsində voleybol yarışları keçirilib. Yarış Azərbaycan Dövlət Pedaqoji Kollecinin idman zalında təşkil olunub.

Noyabrın 4-8-də qızlardan ibarət 7 komandanın mübarizə apardığı  yarışda qalib Bakı 2 nömrəli Baza Tibb Kolleci olub. İkinci və üçüncü yerləri Bakı Dövlət Sosial-İqtisad və Bakı Rabitə və Nəqliyyat kolleclərinin komandaları tutublar.

Noyabrın 12-15-də isə oğlanlar arasında təşkil olunan voleybol yarışında birinci yerə Bakı Dövlət Sosial-İqtisad Kolleci sahib olub. Bakı Rabitə və Nəqliyyat Kolleci ikinci, Azərbaycan Dövlət Pedaqoji Kolleci isə üçüncü pillədə qərarlaşıb. Qeyd edək ki, oğlanların yarışında da 7 komanda iştirak edib.