Türkiyədə işçilər təzyiqə məruz qalıblar

Həmkarlar ittifaqına üzv olduqları üçün

"Birleşik Metal - İş" həmkarlar ittifaqının yeni üzvləri təqib və təzyiqlərə məruz qalıblar. İşçilərə zor tətbiq edilməsinin əsas səbəbi isə onların həmkarlar ittifaqına üzv keçmələridir. Türkiyənin avtohissə istehsal edən zavodunun rəhbərliyi "Birleşik Metal-İş" həmkarlar ittifaqının 15-dən artıq üzvünü müxtəlif bəhanələrlə işdən azad edib. Müəssisə rəhbərliyi həmkarlar ittifaqına üzv keçən hər işçini ixtisara salacağını bildirib.
Məlumat üçün deyək ki, ötən ilin dekabr ayında "Birleşik Metal-İş" həmkarlar ittifaqı təşkilatının nümayəndələri işçilərlə kollektiv müqavilələrin bağlanması barədə Əmək Nazirliyinə müraciət edib. Təşkilatın bu addımını müsbət qarşılayan işçilər isə cari ilin yanvar ayında məcburi olaraq işdən çıxarılıblar.

Afaq RƏSULQIZI.