Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Xalqımızın qan yaddaşı olan Xocalı faciəsindən 18 il keçməsinə baxmayaraq, Azərbaycanın azadlığı uğrunda şəhid olmuş insanların xatirəsi xalqımızın yaddaşında əbədi olaraq qalacaqdır. AHİK-in "Oriqami" Uşaq və Yeniyetmələr İctimai Birliyi ilə birlikdə əlil uşaqlar arasında keçirdikləri uşaq yaradıcılığı müsabiqə-sərgisi də elə Xocalı faciəsinə həsr edilmişdi.
Müsabiqəni keçirməkdə məqsəd inkişafında qüsurları olan və xüsusi qayğıya ehtiyac duyan uşaq və yeniyetmələrin istedadlarının müsabiqə yolu ilə üzə çıxarılması, özlərinə inam hissinin gücləndirilməsi, onların vətənpərvərlik ruhunda tərbiyə olunması, onlara Vətənə məhəbbət, torpağa bağlılıq hisslərinin aşılanması, xalqımızın qəhrəmanlıq tarixi ilə yaxından tanışlığı və öz rəsmləri ilə tarixi hadisələrə münasibətlərini bildirməsidir. Bir ay davam edən sərgiyə fevralın 26-da Xocalı soyqırımı günü yekun vuruldu. Layihədə Bakı, Sumqayıt və Şəkidən orta ümumtəhsil məktəbləri şagirdlərinin, xüsusən əqli və fiziki cəhətdən zəif, xüsusi qayğıya ehtiyacı olan 3000-dən çox uşaqların 200-ə qədər rəsm əsəri, toxuma, gil, plastilin, kağız və müxtəlif materiallardan hazırladıqları eksponatlar təqdim edilmişdi. Qaliblər Azərbaycan Rəssamlar İttifaqı sədrinin müşaviri, əməkdar rəssam Ənvər Qarayevin sədrliyi ilə münsiflər heyəti tərəfindən 5 nominasiya üzrə müəyyən edildi. Həmin gün "Uşaq hüquqları", "Xocalı harayı", "Qan yaddaşı", "Xocalı dəhşətləri", "Biz sülh istəyirik" nominasiyaları üzrə seçilmiş qaliblər AHİK-in diplomları, Azərbaycan İnsan Hüquqları üzrə müvəkkilin, Respublika Gənclər və İdman Nazirliyinin, Təhsil İşçiləri Azad HİRK-in, Dövlət İdarələri və İctimai Xidmət İşçiləri HİRK-in qiymətli hədiyyələri ilə təltif olundular. Vətənpərvərliyi, torpağa bağlılığı, erməni vandalizminin ifşa edilməsini əks etdirən "Xocalı harayı" pannosuna görə "Oriqami" Uşaq və Yeniyetmələr İctimai Birliyi AHİK-in xüsusi diplomu və pul mükafatı ilə təltif olundu. Ən yaxşı eksponatlar T.İsmayılov adına "Uşaq Dünyası" Rəsm Qalereyasında nümayiş etdirildi. Uşaq və Yeniyetmələr İctimai Birliyi tərəfindən müsabiqə-sərginin təşkilinə göstərilən diqqət və qayğıya, dəstəyə görə Azərbaycan həmkarlar ittifaqlarına təşəkkürnamə diplomu təqdim edildi. Sərginin tamaşaçıları arasında beynəlxalq təşkilatların nümayəndələri də var idi. Xoşqədəm Bağırova, AHİK-in mütəxəssisi.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Xalqımızın qan yaddaşı olan Xocalı faciəsindən 18 il keçməsinə baxmayaraq, Azərbaycanın azadlığı uğrunda şəhid olmuş insanların xatirəsi xalqımızın yaddaşında əbədi olaraq qalacaqdır. AHİK-in "Oriqami" Uşaq və Yeniyetmələr İctimai Birliyi ilə birlikdə əlil uşaqlar arasında keçirdikləri uşaq yaradıcılığı müsabiqə-sərgisi də elə Xocalı faciəsinə həsr edilmişdi.