Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Su Təsərrüfatı İşçiləri Həmkarlar İttifaqı Respublika Komitəsinin təşəbbüsü ilə "Azərbaycanda gender siyasətinin həyata keçirilməsinin əsas fəaliyyət istiqamətləri" adı altında həmkarlar ittifaqı fəalları, şəhər, birlik, müəssisə həmkarlar ittifaqı komitəsi sədrləri üçün seminar keçirildi. Seminar Azərbaycan Həmkarlar İttifaqları Konfederasiyasının binasında baş tutdu. İlk öncə Su Təsərrüfatı İşçiləri Həmkarlar İttifaqı Respublika Komitəsinin sədri Akif Məmmədov seminarı giriş nitqi ilə açaraq sözü təşkilati və beynəlxalq əlaqələr şöbəsinin müdiri Xəyalə Məmmədovaya verdi.
Xəyalə xanım Azərbaycanda gender siyasətinin bugünkü vəziyyəti, eyni zamanda Azərbaycan Həmkarlar İttifaqları Konfederasiyasının bu sahədə gördüyü işlər barədə seminar iştirakçılarını məlumatlandırdı. Məruzəçi Azərbaycan Respublikası Konstitusiyasının 25-ci maddəsini əsas tutaraq, kişi ilə qadının eyni hüquqları və azadlıqlarının olmasını, lakin bir çox hallarda, xüsusilə də qadınların onlara verilən qanunlar və hüquqlar barədə lazımi dərəcədə məlumatları olmadıqları üçün cəmiyyətdə öz mənafelərini müdafiə edə bilmədiklərini vurğuladı. Məhz buna görə də həmkarlar ittifaqları komitələri işçilərin gender məsələləri üzrə maarifləndirilməsinə öz fəaliyyətlərində xüsusi yer ayırmalıdır. AHİK-in şöbələri, sahə həmkarlar ittifaqları əhaliyə pulsuz hüquq məsləhəti verilməsi təcrübəsini davam etdirməli, birbaşa əmək kollektivlərində hüquqşünas məsləhəti saatlarını təşkil etməli, şəhər və rayonlarda müxtəlif mövzulara həsr olunmuş seminar, treninq, dəyirmi masa ətrafında müzakirələr təşkil etməlidirlər. Bu işlərin həyata keçirilməsində "ÜLFƏT" qəzetinin "Hüquq məsləhətxanası" rubrikası altında vətəndaşların çoxsaylı suallarının peşəkar hüquqşünaslar tərəfindən cavablandırılmasının, eyni zamanda həmkarlar ittifaqları strukturlarında yaradılan gender bərabərliyi və qadın problemləri ilə məşğul olan komissiyaların fəaliyyətinin xüsusi əhəmiyyəti qeyd edildi. Seminarda Mədəniyyət İşçiləri Müstəqil Həmkarlar İttifaqı Respublika Komitəsinin sədri Cəmilə Səttarova və AHİK-in şöbə müdiri Namiq Hüseynov da iştirak edirdilər. Sonda Namiq Hüseynov seminarla bağlı xoş təəssüratlarını bölüşərək, ilk öncə bu cür yüksək səviyyədə görüş təşkil etdikləri üçün Su Təsərrüfatı İşçiləri Həmkarlar İttifaqı Respublika Komitəsinə dərin minnətdarlığını bildirərək, birgə layihələr çərçivəsində belə tədbirlərin mütəmadi olaraq keçirilməsinin nə qədər vacib olduğunu bildirdi.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Su Təsərrüfatı İşçiləri Həmkarlar İttifaqı Respublika Komitəsinin təşəbbüsü ilə "Azərbaycanda gender siyasətinin həyata keçirilməsinin əsas fəaliyyət istiqamətləri" adı altında həmkarlar ittifaqı fəalları, şəhər, birlik, müəssisə həmkarlar ittifaqı komitəsi sədrləri üçün seminar keçirildi. Seminar Azərbaycan Həmkarlar İttifaqları Konfederasiyasının binasında baş tutdu. İlk öncə Su Təsərrüfatı İşçiləri Həmkarlar İttifaqı Respublika Komitəsinin sədri Akif Məmmədov seminarı giriş nitqi ilə açaraq sözü təşkilati və beynəlxalq əlaqələr şöbəsinin müdiri Xəyalə Məmmədovaya verdi.