Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Toxucu və Yüngül Sənaye İşçiləri Müstəqil HİRK-in İcraiyyə Komitəsinin iclası keçirilmişdir. İclasda "Sahə müəssisələrində gender bərabərliyi vəziyyətinin təhlili", "28 Aprel Ümumdünya Əməyin Mühafizəsi Gününü sahə müəssisəsi olan "BOT" MMC-də keçirilməsi haqqında" və "Üzv təşkilatlarda ittifaq üzvlərinin qəbulu, ərizə və şikayətlərinə baxılmasının vəziyyəti barədə" məsələlər müzakirə edilmişdir.
RK-nın sədri Nərgizxanım Məmmədova çıxış edərək qeyd etdi ki, 2010-cu il yanvarın 1-nə olan statistik məlumata əsasən, sahə üzrə 8014 nəfər işçi var. Onlardan 77,4 %-ni, yəni 6201 nəfərini qadınlar təşkil edir. RK-nın təşkilatçılığı ilə sahə müəssisələrində gender bərabərliyinin vəziyyəti yoxlanılmış, anonim sorğular aparılmış, kadrlar şöbəsində işə qəbul olunan və işdən çıxarılan kişi və qadınlar haqqında göstəricilər nəzərdən keçirilmişdir. İşləyən sahə müəssisələrində qeyri-qanuni işdən azad olunma halları aşkarlanmamışdır. Əsas işçi qüvvəsi olan qadınlarımıza təhlükəsiz iş şəraiti yaradılmışdır. Son bir ildə "Bakı-Əyirici-Trikotaj" ASC-yə, sifarişlərin artması ilə əlaqədar, əlavə olaraq 21 nəfər işə qəbul olunmuşdur. Onlardan 16-sı qadındır. "BOT" MMC-nin rəhbərliyi ötən il ərzində işçiləri fasiləsiz işlə təmin etmişdir. İstehsalatın həcminin artması ilə əlaqədar 40 nəfər işlə təmin olunmuşdur. Onlardan 32 nəfəri qadındır. Bundan başqa, "Şəki-İpək" ASC-nin sex və istehsalat sahələrində Azərbaycan Reproduktiv Sağlamlıq və Ailə Planlaşdırılması Mərkəzi mütəxəssislərinin iştirakı ilə seminar təşkil olunmuşdur. N.Məmmədova nəzərə çatdırdı ki, sahə üzrə 2010-cu il üçün 17 kollektiv müqavilə bağlanmış və bu müqavilələrə gender bərabərliyi bölməsi salınmışdır. Gündəlikdə duran ikinci məsələ barədə RK-nın baş texniki əmək müfəttişi Sürayyə Məmmədova məlumat verərək bildirdi ki, 28 Aprel Ümumdünya Əməyin Mühafizəsi Günü ənənə olaraq hər il sahə müəssisələrinin birində qeyd olunur. Bu il RK-nın tədbirlər planına uyğun olaraq, həmin gün "BOT" MMC-də keçiriləcək. Daha sonra RK-nın mütəxəssisi Zərqələm Bəşirova üçüncü məsələ barədə məlumat verdi. O dedi ki, RK-ya 2009-cu hesabat ilində sosial-iqtisadi təminatla əlaqədar 11, əmək hüquqlarının müdafiəsi ilə bağlı 64, maddi yardım göstərilməsi ilə əlaqədar 119 ərizə daxil olmuşdur. İlk təşkilatlara isə 81 nəfər şifahi müraciət etmiş, 55 nəfər RK-nın rəhbərliyi tərəfindən qəbul edilmişdir. Yuxarıda qeyd olunanları nəzərə alaraq RK-nın İcraiyyə Komitəsi qərara almışdır ki, ərizə, şikayət və şifahi müraciətlər dərindən öyrənilsin, analiz edilərək əməli işdə istifadəsi təmin edilsin.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Toxucu və Yüngül Sənaye İşçiləri Müstəqil HİRK-in İcraiyyə Komitəsinin iclası keçirilmişdir. İclasda "Sahə müəssisələrində gender bərabərliyi vəziyyətinin təhlili", "28 Aprel Ümumdünya Əməyin Mühafizəsi Gününü sahə müəssisəsi olan "BOT" MMC-də keçirilməsi haqqında" və "Üzv təşkilatlarda ittifaq üzvlərinin qəbulu, ərizə və şikayətlərinə baxılmasının vəziyyəti barədə" məsələlər müzakirə edilmişdir.