Azərbaycan Respublikasının Prezidenti İlham Əliyev
(avqustun 30-da) ... Sinqapur şəhərində keçirilən yeniyetmələrin I olimpiya oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalamışdır. … Sinqapurda keçirilən yeniyetmələrin I yay olimpiya oyunlarında iştirak etmiş idmançıları və mütəxəssisləri qəbul etmişdir.
(avqustun 31-də) … Müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etmişdir.
(sentyabrın 1-də) … və xanımı Mehriban Əliyeva Bakıda Dövlət Bayrağı Meydanının təntənəli açılış mərasimində iştirak etmişlər.
(sentyabrın 2-də) … və xanımı Mehriban Əliyevanın adından ölkəmizə rəsmi səfərə gələn Rusiya Federasiyasının Prezidenti Dmitri Medvedevin və xanımı Svetlana Medvedevanın şərəfinə "Gülüstan" sarayında rəsmi ziyafət təşkil edilmişdir.
(sentyabrın 3-də) … və Rusiyanın dövlət başçısı Dmitri Medvedevin görüşündə Azərbaycan və Rusiya arasında dövlət sərhəddi, təbii qazın alqı-satqısı və Samur çayı ilə bağlı sənədlər imzalanmışdır. … və Rusiya Prezidenti Dmitri Medvedev mətbuat konfransında bəyanatla çıxış etmişlər.
Onun sözlərinə görə, payız sessiyası üçün hazırlanan qanunları da bu məntiq əsasında seçəcəklər. Yəni qanunlarımız günün gerçəkliyindən, gündəlik həyatımızdan bəhrələnəcək: "Bundan əlavə, cəmiyyətə, millət vəkillərinə müraciət edirik ki, dünyada mövcud olan sosial müdafiə ilə bağlı qanunların qəbul olunmasında bizə yardımçı olsunlar. Yəni ideyalarını bizə təqdim etsinlər, biz də onların üzərində işləyək. Məsələn, bu gün Azərbaycanda yeni bir institut formalaşdırılır - sosial işçi. Sosial işçilər xəstəsi olan insanlara yardım etməli, ünvanlı sosial yardımların verilməsində rol oynamalıdırlar. Bir sözlə, onlar sosial durumu ağır olan insanlarla işləməlidirlər. Amma bizdə nə sosial işçi hazırlayan təhsil müəssisələri var, nə də sosial işçilərin fəaliyyətini tənzimləyən qanunlar. Fikirləşirəm ki, biz növbəti sessiyalarda sosial işçilərlə bağlı yeni qanun hazırlamalıyıq". Qeyd edək ki, bir müddət öncə Ailə Məcəlləsinə də dəyişikliklər hazırlanması müzakirə edilirdi . Məsələyə münasibət bildirən müsahib bildirdi ki, işçi qrupu Əmək Məcəlləsi ilə paralel olaraq Ailə Məcəlləsinin də monitorinqini aparıb. Monitorinqin nəticələrinə əsasən məcəlləyə əlavə və dəyişikliklərlə bağlı layihə hazırlanıb. Millət vəkili hesab edir ki, bu dəyişikliklər mütləq edilməlidir: "Məcəllədə 3 normanı mütləq dəyişməliyik. Birinci norma, nikah üçün yaş həddinin qaldırılması olmalıdır. İkincisi, cütlüklər arasında nikah müqaviləsinin bağlanması məcburiləşdirilməlidir. Üçüncüsü, nikaha daxil olanlardan mütləq sağlamlıq haqqında arayış tələb olunmalıdır. Biz bu üç normanı məcəlləyə daxil etmək istəyirik". Onu da qeyd edək ki, sosial siyasət komitəsi uzun müddətdir "Mərasimlər haqqında" Qanunu da müzakirəyə təqdim edə bilmir. Məsələyə aydınlıq gətirən müsahibim etiraf etdi ki, yas, toy mərasimlərini tənzimləməyin vahid yolunu müəyyənləşdirə bilmirlər: "Bəzi ölkələrdə mərasimlərlə bağlı qida məhsullarının çeşidi, kortejdəki maşınların sayına qədər hər şey norma çərçivəsində edilir. Amma bu, Azərbaycan gerçəkliklərinə cavab vermir. Fikrimcə, bu gün şadlıq evlərinin, restoranların bir dövlət qurumu tərəfindən idarə olunmasına ehtiyac var. Bu gün bu sahədə absurd bir vəziyyət yaranıb. Şadlıq evləri institutu dünyanın heç bir ölkəsində yoxdur. Dünyada ancaq restoran məfhumu var. Şadlıq evləri institutu dünyada olmadığından onların fəaliyyətinin tənzimlənməsi ilə bağlı normativ-hüquqi aktlar da yoxdur". H.Rəcəblinin dediyinə görə, bu gün şadlıq evlərinin verdikləri yeməklərin keyfiyyətinə heç kim nəzarət edə bilmir. Amma bütün mehmanxanaların fəaliyyət göstərməsi üçün Mədəniyyət və Turizm Nazirliyinin lisenziyası lazımdır. Mehmanxanaların göstərdiyi xidmətə, verdiyi yeməklərə görə, nazirlik məsuliyyət daşıyır: "Qənaətimcə, şadlıq evlərinin fəaliyyətinin tənzimlənməsi də Mədəniyyət və Turizm Nazirliyinə həvalə edilməlidir. Şadlıq evlərinin fəaliyyəti üçün mütləq lisenziya tələb olunmalıdır. Nazirlik lisenziya verməlidir, biz də ondan iş tələb etməliyik. Belə halda problemlərin həlli üçün müraciət etməyə vahid bir instansiya da olar. Bundan əlavə, qoy Mədəniyyət və Turizm Nazirliyinin əməkdaşları şadlıq evlərindəki akustika və digər texniki avadanlıqları da araşdırsın. Bununla yanaşı, hüzn mərasimlərinin tənzimlənməsinə də ehtiyac var". Söhbət əsnasında komitə tərəfindən hazırlanan "Məişət zorakılığı haqqında" Qanunun taleyi ilə də maraqlandıq. H.Rəcəbli bildirdi ki, bəzi qanunlar var ki, onların qəbulu üçün cəmiyyətin buna hazır olması lazımdır: “Parlamentdə "Məişət zorakılığı haqqında” Qanunu müzakirə edəndə populizm elementləri ilə rastlaşdıq. Bəziləri milli mentalitet adı altında lazım olmayan məsələləri gündəmə gətirdilər. Amma zaman gələcək biz bu qanunu qəbul edəcəyik. Necə ki, ötən əsrin əvvəllərində qadın-kişi bərabərliyindən danışmaq mümkün deyildi. Amma hazırda Azərbaycanda da, dünyanın bir sıra qabaqcıl ölkələrində olduğu kimi, kişi və qadınlar bərabərhüquqludur".
Ali məktəblərin birində laborant işləyirəm. 4 yaşlı qızım var. Ana-bala hər ikimiz xroniki xəstəyik. Mənə düşən ödənişsiz məzuniyyətlər barədə məlumat verməyinizi xahiş edirəm.
Elza HƏSƏNOVA, Samux rayonu.
- Əmək Məcəlləsinin 128-130-cu maddələrinə əsasən, qohumluq borcunun yerinə yetirilməsi ilə bağlı ailə, məişət və başqa sosial məsələləri təxirə salmadan həll etmək, təhsil almaq, yaradıcı elmi işlə məşğul olmaq üçün, habelə yaşına, fizioloji keyfiyyətlərinə görə işdən ayrılmaq zərurəti olduqda işçinin ödənişsiz məzuniyyətlərdən istifadə etmək hüququ vardır. Ödənişsiz məzuniyyətlər bu Məcəllədə nəzərdə tutulmuş hallarda işçilərin xahişi və ya tərəflərin qarşılıqlı razılığı ilə verilir. İşəgötürənlə işçinin qarşılıqlı razılığına əsasən, həmçinin kollektiv müqavilələrdə nəzərdə tutulan hallarda, o cümlədən əmək müqaviləsi ilə müəyyən edilən şərtlərlə işçilərə müddəti altı aydan çox olmayaraq tərəflərin mülahizəsinə əsasən müəyyən edilən ödənişsiz məzuniyyət verilə bilər. İşçilərin xahişi ilə bir iş ilində aşağıdakı hallarda və müddətdə ödənişsiz məzuniyyətlər verilir: həkim məsləhət komissiyasının rəyi əsasında xroniki xəstəliyə tutulmuş uşağı olan valideynlərdən birinə, yaxud ailənin uşağa bilavasitə qulluq edən digər üzvünə - uşaq dörd yaşına çatanadək; əlillik qrupundan və səbəbindən asılı olmayaraq əlillərə, sağlamlıq imkanları məhdud olan 18 yaşınadək işçilərə - bir təqvim ayınadək; qazanılmış immunçatışmazlığı sindromu (AİDS) xəstəliyinə tutulmuş və ya insanın immunçatışmazlığı virusu (HİV) ilə yoluxmuş uşaq böyüdən, həmçinin sağlamlıq imkanları məhdud 18 yaşınadək uşağı olan valideynlərə - 14 təqvim gününədək; ailənin xəstə üzvünə qulluq edən qohumlardan birinə - səhiyyə müəssisəsinin rəyi ilə 14 təqvim gününədək; sağlamlıq imkanları məhdud 18 yaşınadək uşaqları olan işçilərə - 14 təqvim gününədək; ailə, məişət və başqa sosial məsələləri həll etmək üçün işçilərə -7 təqvim gününədək. Bu ödənişsiz məzuniyyətlər Əmək Məcəlləsində nəzərdə tutulan minimum məzuniyyətlərdir. Eyni zamanda əmək müqaviləsində nəzərdə tutulduğu halda, hər iki tərəfin razılığı (işçinin və işəgötürənin) və ya Kollektiv müqavilələrdə nəzərdə tutulan hallarda ödənişsiz məzuniyyətlər daha çox müddətə verilə bilər. Əmək Məcəlləsinin 245-ci maddəsinə əsasən, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əməkhaqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həftəlik iş vaxtının müddəti tərəflərin razılığı ilə müəyyən edilir. Həm özünüz və həm də uşağınız xroniki xəstə olduğu üçün ödənişsiz məzuniyyətlərdən istifadə etməklə bərabər Əmək Məcəlləsinin 245-ci maddəsində nəzərdə tutulan işlənmiş vaxta mütənasib əməkhaqqı ödənilən natamam iş günü və ya natamam iş həftəsi hüququndan istifadə etməyiniz daha düzgündür. Belə olan halda siz həm işəgötürənə ziyan vurmamaqla əmək funksiyalarınızı yerinə yetirmiş olursunuz və eyni zamanda xəstəliyin müalicəsi ilə əlaqədar müəyyən vaxt qazanmış olursunuz.
Onun sözlərinə görə, payız sessiyası üçün hazırlanan qanunları da bu məntiq əsasında seçəcəklər. Yəni qanunlarımız günün gerçəkliyindən, gündəlik həyatımızdan bəhrələnəcək: