Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Hadı Rəcəbli: "Xaricilərə övladlığa verilən uşaqların gələcəyini və hər bir addımını izləmək üçün qanunvericilikdə kifayət qədər müddəa var"
Azərbaycanda atılan və övladlıqdan imtina edilən uşaqların sayı minimuma enib. Milli Məclisin Sosial Siyasət Komitəsinin məlumatına əsasən, son vaxtlarda uşaq evlərindəki uşaqların sayı azalmaqdadır. Adıçəkilən komitə bunu ailələrin sosial durumunun yaxşılaşması ilə əlaqələndirir. Ailələrin vəziyyəti yaxşılaşdığından artıq uşaqdan imtina edənlərin sayı da azalır. Xatırladaq ki, hazırda uşaq evlərində yaşayan uşaqların 70 faizinin bir və ya iki valideyni var. Bununla yanaşı, uşaq evlərində 20 minə yaxın uşaq ailə nəvazişi, qayğısı hiss etmədən yaşayır.
Bu sahədə mövcud çatışmazlıqların aradan qaldırılması məqsədi ilə yaxın vaxtlarda Milli Məclis Ailə Məcəlləsinə dəyişiklik edəcək. Milli Məclisin Sosial Siyasət Komitəsinin sədri Hadı Rəcəblinin sözlərinə görə, Məcəllədə bir neçə dəyişikliyin edilməsi nəzərdə tutulub. Öyrəndik ki, dəyişikliklərdən biri himayədarla himayəçinin nikaha girməsini qadağan etməkdir. Bu, çox ciddi məsələdir. İkinci dəyişiklik isə hər kəsə uşaq himayəyə verməyin qeyri-mümkün olması ilə əlaqədardır. 60 yaşdan yuxarı və lazımi şəraiti olmayan insanlara uşaq himayəyə vermək olmaz. Millət vəkilinin qənaətincə, bir çoxları öz şəraitini yaxşılaşdırmaq üçün uşaqları himayəyə götürür: "Bizim məqsədimiz isə uşağı himayə etməkdir, kiminsə problemini həll etmək üçün uşağı evə vermək deyil. Əgər kiminsə yaşayış şəraiti yoxdursa və ya ömrünün sonudursa, ona uşaq etibar etmək olmaz. Digər bir kriteriya isə ailəyə verilən uşağın 18 yaşına qədər mülkiyyət hüququnun qorunması ilə bağlıdır. Təəssüf ki, bəzi hallarda belə uşaqların mülkiyyətinə ya məmurlar sahib çıxmaq istəyir, ya da qohumlardan kimsə ona məxsus olana yiyələnmək fikrinə düşür. Bu kriteriyalarla bağlı Ailə Məcəlləsində dəyişiklik etmək qərarına gəlmişik. Sadalanan məsələlər Ailə Məcəlləsində əksini tapanda prosesin daha düzgün və dəqiq cərəyan etməsinə gətirib çıxaracaq". Komitə sədrinin bildirdiyinə görə, uşaq evlərindən övladlığa uşaq götürmək istəyənlərin sayı həddindən artıq çox olsa da, ailələr hər uşağı götürmək istəmir. Azərbaycanda iki məqsədlə uşaq övladlığa götürürlər: "Ya uşaqlara mərhəmət göstərib onu övladlığa götürürlər, ya da barter qaydasını təklif edirlər. Barter dedikdə, yəni sahib çıxacaqları uşağın özlərinə oxşamasını, xəstə olmamasını və başqa istəklərini təklif edirlər. Belə hallarda da uşaq evlərində çatışmazlıq yaranır. Bu gün uşaq evlərindən övladlığa uşaq götürmək istəyən 4000 ailə var, amma uşaq evlərində onların istədiklərinin sayı 20 ola, ya da olmaya". Komitə sədri uşaqları övladlığa götürən ailələrin ondan istifadə etmək üçün deyil, uşağın hüquqlarını müdafiə etmək məqsədi ilə götürmələrinin daha vacib olduğunu qeyd etdi. Mərhəmət baxımından uşaqları övladlığa götürməkdə Azərbaycan qanunvericiliyində heç bir problem yoxdur. Komitə sədri ilə söhbət əsnasında öyrəndik ki, son 5 ildə Azərbaycanda uşaqların xarici ölkə vətəndaşlarına himayəyə verilməsi azalıb: "Son beş ildə xarici ölkələrə uşaq övladlığa verilmə halları kəskin azalıb, hətta yox dərəcəsinə çatıb. Azərbaycan parlamenti xüsusi bir konvensiyaya qoşulub ki, bu konvensiyada xaricilərə övladlığa verilən uşaqların hər bir addımını izləmək üçün müddəa var. Yəni burada heç bir narahat olmalı məsələ yoxdur. Bununla bağlı qanunvericilik bazamız həddindən artıq möhkəmdir və neqativlikləri ola bilməz". Gülər KƏRİMLİ.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Hadı Rəcəbli: "Xaricilərə övladlığa verilən uşaqların gələcəyini və hər bir addımını izləmək üçün qanunvericilikdə kifayət qədər müddəa var"