Azərbaycan Respublikasının Prezidenti İlham Əliyev
(avqustun 30-da) ... Sinqapur şəhərində keçirilən yeniyetmələrin I olimpiya oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalamışdır. … Sinqapurda keçirilən yeniyetmələrin I yay olimpiya oyunlarında iştirak etmiş idmançıları və mütəxəssisləri qəbul etmişdir.
(avqustun 31-də) … Müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etmişdir.
(sentyabrın 1-də) … və xanımı Mehriban Əliyeva Bakıda Dövlət Bayrağı Meydanının təntənəli açılış mərasimində iştirak etmişlər.
(sentyabrın 2-də) … və xanımı Mehriban Əliyevanın adından ölkəmizə rəsmi səfərə gələn Rusiya Federasiyasının Prezidenti Dmitri Medvedevin və xanımı Svetlana Medvedevanın şərəfinə "Gülüstan" sarayında rəsmi ziyafət təşkil edilmişdir.
(sentyabrın 3-də) … və Rusiyanın dövlət başçısı Dmitri Medvedevin görüşündə Azərbaycan və Rusiya arasında dövlət sərhəddi, təbii qazın alqı-satqısı və Samur çayı ilə bağlı sənədlər imzalanmışdır. … və Rusiya Prezidenti Dmitri Medvedev mətbuat konfransında bəyanatla çıxış etmişlər.
Layihəyə əsasən, parkda yaşıllıq saxlanılmaq şərtilə 2-3 mərtəbəli yeraltı qaraj tikiləcək, fontan quraşdırılacaq. Bağda Bakı komissarlarına qoyulan monumentin sökülməsi də bununla əlaqədardır. Abidənin altındakı məzarların köçürülməsinə gəlincə isə, icra hakimiyyətindən bildiriblər ki, cəsədlərin hansı qəbiristanlığa köçürülməsi barədə qərarı Bakı Şəhər İcra Hakimiyyəti verəcək. Məlumat üçün bildirək ki, dəfələrlə həmin ərazidə tikinti işləri aparılmasına baxmayaraq, təhlükəli olduğuna görə bu plan təxirə salınıb. Maraqlıdır, indi ərazidə hansı təhlükəsizlik tədbirlərinə əməl edilməklə, tikinti işlərinə icazə verilib? Əməkdar memar Emil Axundov bildirdi ki, həmin ərazidə hər hansı tikinti işlərinin aparılması çox təhlükəlidir: ""Sahil" metrostansiyası tikiləndə də ərazini su basmaq təhlükəsi yaranmışdı. Ərazi dənizə yaxın olduğundan burada metro stansiyasının tikilməsinə hələ o vaxtlar metropoliten işçiləri etiraz etmişdilər. Lakin etiraza məhəl qoyulmadı. Nəticədə metronu su basmağa başladı. Bunun qarşısını almaq həmin vaxtlar çox çətin oldu. Yalnız Moskvadan gələn və yerli memarların köməyi ilə həmin təhlükənin qarşısı alındı". Memar həmçinin bildirdi ki, ərazidə yeraltı qarajların tikilməsi barədə əvvəlcədən məlumat verilməli və bununla bağlı istər yerli memarların, istərsə də xarici ölkələrdəki peşəkar memarların fikri öyrənilməli idi: "Mənim zənnimcə, həmin ərazidə nəinki 2-3 mərtəbəli, heç 1 mərtəbəli yeraltı qaraj da tikmək olmaz. Çünki Xəzər dənizinin səviyyəsi günbəgün qalxmaqda davam edir. Suyun səviyyəsinin qalxdığı bir vaxtda, bu, çox təhlükəlidir. Bağ bu günə kimi dəfələrlə sökülüb, dəyişdirilib. Həmişə də dəyişikliklər zamanı abidələr sökülüb, ağaclar məhv edilib. Bu dəfə də ediləcək dəyişikliklər zamanı yeraltı qaraj hazır olduqdan sonra heç bir parkın salınmayacağını düşünürəm. Ərazini dağıtdıqdan sonra heç olmasa kol-kos da əkməyəcəklər. Sizi inandırım ki, yeraltı qaraj tikildikdən sonra onun üzərində işıq dayaqları tikiləcək". E.Axundov həmin ərazidə qaraja, özü də 2-3 mərtəbədən ibarət yeraltı qaraja ehtiyac olmadığını bildirdi: "O ərazidə bu gün əhalinin neçə faizi yaşayır? Və həmin yeraltı qaraj kimlərə lazım olacaq? Hazırda ərazidə Pedaqoji Universitet, 2-3 mərtəbəli bir yaşayış binası, bir sıra inzibati orqanların ofisindən başqa heç nə yerləşmir. Əgər park tikmək istəyirdilərsə, Nobel prospektində böyük ərazi boşdur. Plansız çox sayda tikililərin tikilməsi artıq Bakının tikinti sektorunu təhlükə altında qoyub. Artıq baş plandan heç bir əsər-əlamət qalmayıb. Heç olmasa, belə tikililərin inşa edilməsində şəhər əhalisi ilə məsləhətləşsinlər. Axı onlar bu obyektdən yararlanmalı olacaqlar". E.Axundov memarlıq abidəsinin sökülməsi əvəzində onun üzərində kiçik bir dəyişiklik edilməsini daha optimal variant saydığını dedi. GÜLƏR.
Ali məktəblərin birində laborant işləyirəm. 4 yaşlı qızım var. Ana-bala hər ikimiz xroniki xəstəyik. Mənə düşən ödənişsiz məzuniyyətlər barədə məlumat verməyinizi xahiş edirəm.
Elza HƏSƏNOVA, Samux rayonu.
- Əmək Məcəlləsinin 128-130-cu maddələrinə əsasən, qohumluq borcunun yerinə yetirilməsi ilə bağlı ailə, məişət və başqa sosial məsələləri təxirə salmadan həll etmək, təhsil almaq, yaradıcı elmi işlə məşğul olmaq üçün, habelə yaşına, fizioloji keyfiyyətlərinə görə işdən ayrılmaq zərurəti olduqda işçinin ödənişsiz məzuniyyətlərdən istifadə etmək hüququ vardır. Ödənişsiz məzuniyyətlər bu Məcəllədə nəzərdə tutulmuş hallarda işçilərin xahişi və ya tərəflərin qarşılıqlı razılığı ilə verilir. İşəgötürənlə işçinin qarşılıqlı razılığına əsasən, həmçinin kollektiv müqavilələrdə nəzərdə tutulan hallarda, o cümlədən əmək müqaviləsi ilə müəyyən edilən şərtlərlə işçilərə müddəti altı aydan çox olmayaraq tərəflərin mülahizəsinə əsasən müəyyən edilən ödənişsiz məzuniyyət verilə bilər. İşçilərin xahişi ilə bir iş ilində aşağıdakı hallarda və müddətdə ödənişsiz məzuniyyətlər verilir: həkim məsləhət komissiyasının rəyi əsasında xroniki xəstəliyə tutulmuş uşağı olan valideynlərdən birinə, yaxud ailənin uşağa bilavasitə qulluq edən digər üzvünə - uşaq dörd yaşına çatanadək; əlillik qrupundan və səbəbindən asılı olmayaraq əlillərə, sağlamlıq imkanları məhdud olan 18 yaşınadək işçilərə - bir təqvim ayınadək; qazanılmış immunçatışmazlığı sindromu (AİDS) xəstəliyinə tutulmuş və ya insanın immunçatışmazlığı virusu (HİV) ilə yoluxmuş uşaq böyüdən, həmçinin sağlamlıq imkanları məhdud 18 yaşınadək uşağı olan valideynlərə - 14 təqvim gününədək; ailənin xəstə üzvünə qulluq edən qohumlardan birinə - səhiyyə müəssisəsinin rəyi ilə 14 təqvim gününədək; sağlamlıq imkanları məhdud 18 yaşınadək uşaqları olan işçilərə - 14 təqvim gününədək; ailə, məişət və başqa sosial məsələləri həll etmək üçün işçilərə -7 təqvim gününədək. Bu ödənişsiz məzuniyyətlər Əmək Məcəlləsində nəzərdə tutulan minimum məzuniyyətlərdir. Eyni zamanda əmək müqaviləsində nəzərdə tutulduğu halda, hər iki tərəfin razılığı (işçinin və işəgötürənin) və ya Kollektiv müqavilələrdə nəzərdə tutulan hallarda ödənişsiz məzuniyyətlər daha çox müddətə verilə bilər. Əmək Məcəlləsinin 245-ci maddəsinə əsasən, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əməkhaqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həftəlik iş vaxtının müddəti tərəflərin razılığı ilə müəyyən edilir. Həm özünüz və həm də uşağınız xroniki xəstə olduğu üçün ödənişsiz məzuniyyətlərdən istifadə etməklə bərabər Əmək Məcəlləsinin 245-ci maddəsində nəzərdə tutulan işlənmiş vaxta mütənasib əməkhaqqı ödənilən natamam iş günü və ya natamam iş həftəsi hüququndan istifadə etməyiniz daha düzgündür. Belə olan halda siz həm işəgötürənə ziyan vurmamaqla əmək funksiyalarınızı yerinə yetirmiş olursunuz və eyni zamanda xəstəliyin müalicəsi ilə əlaqədar müəyyən vaxt qazanmış olursunuz.
Layihəyə əsasən, parkda yaşıllıq saxlanılmaq şərtilə 2-3 mərtəbəli yeraltı qaraj tikiləcək, fontan quraşdırılacaq. Bağda Bakı komissarlarına qoyulan monumentin sökülməsi də bununla əlaqədardır. Abidənin altındakı məzarların köçürülməsinə gəlincə isə, icra hakimiyyətindən bildiriblər ki, cəsədlərin hansı qəbiristanlığa köçürülməsi barədə qərarı Bakı Şəhər İcra Hakimiyyəti verəcək.