Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
Ziyafət Əsgərov: "Sərəncam imzalanan zaman Nazirlər Kabinetinə uşaqların işləməsi mümkün olan iş yerlərinin siyahısının hazırlanması tapşırılacaq"
Milli Məclisin növbəti plenar iclasında Əmək və Ailə Məcəlləsinə əlavə və dəyişikliklər qəbul edilib. Ailə Məcəlləsinə edilən düzəlişdə qeyd olunur ki, uşaq hüquqlarının həyata keçirilməsinə müvafiq icra hakimiyyəti orqanları nəzarət etməlidir. Əmək Məcəlləsində edilən dəyişiklikdə isə göstərilib ki, bundan sonra 15 yaşı tamam olmayan uşaqların işə götürülməsi və azyaşlılarla əmək müqavilələrinin bağlanması qəti qadağandır. Əks təqdirdə uşaqları işəgötürən tərəf məsuliyyətə cəlb oluna bilər. Əmək və Ailə Məcəlləsinə edilən əlavə və dəyişikliklər barədə millət vəkillərinin fikrini öyrəndik. Məsələyə münasibət bildirən deputat Fazil Qəzənfəroğlu dedi ki, əlavə və dəyişikliklərin bu formada qəbulu bir sıra çox ciddi problemlər yaradacaq: "Həmin dəyişikliklər zəruri olsa da, elə formada qəbul edilməlidir ki, uşaqların peşə öyrənməsinə, gələcəkdə özlərinə iş yerləri tapmalarına, valideynlərdən ayrı, müstəqil formada yaşamalarına problemlər yaratmasın". Milli Məclisin I vitse-spikeri Ziyafət Əsgərov isə qeyd etdi ki, qanuna əlavə və dəyişikliklər qəbul olunduqdan sonra Prezident onun qüvvəyə minməsi haqda sərəncam imzalayacaq. Sərəncam imzalanan zaman Nazirlər Kabinetinə uşaqların işləməsi mümkün olan iş yerlərinin siyahısının hazırlanması tapşırılacaq. Millət vəkili Qənirə Paşayeva isə vurğuladı ki, 15 yaşa çatmayan uşaqların işə cəlb olunmasına görə vəzifəli şəxslər cərimələnəcək. Amma bəzi işəgötürənlər çox kiçik vəsaitlər ödəyərək uşaqları əməyə cəlb edə bilərlər: "Mən qorxuram ki, sabah o uşaqların əməyə cəlb olunması hesabına bəzi istismar halları ortaya çıxsın. Çox kiçik vəsaitlər ödəyərək uşaqları əməyə cəlb etsinlər. Ona görə də Məcəllədə nəzərdə tutulan müddəaları həyata keçirəcək təşkilatlar ortaya çıxacaq subyektivlikləri aradan qaldırmaq üçün ciddi işləməlidirlər. Ən çox narahatlıq doğuran məsələlərdən biri də küçə uşaqları ilə bağlıdır. Bizim mübarizəmizin əsas məqsədi belə uşaqların əməyindən istifadə edənlərə qarşı olmalıdır". Müzakirələrdə uşaqların ailələrə övladlığa verilməsi ilə bağlı şərtlərin asanlaşdırılması məsələsi də diqqətdən yayınmadı. Plenar iclasda daha bir neçə qanuna əlavə və dəyişikliklər müzakirə olunub.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
Ziyafət Əsgərov: "Sərəncam imzalanan zaman Nazirlər Kabinetinə uşaqların işləməsi mümkün olan iş yerlərinin siyahısının hazırlanması tapşırılacaq"