Azərbaycan Respublikasının Prezidenti İlham Əliyev
iyulun 18-də
…Gürcüstana işgüzar səfərə gəlmişdir. …və Gürcüstan Prezidenti Mixeil Saakaşvili Batumidə təkbətək görüşmüşlər. …və Gürcüstan Prezidenti Mixeil Saakaşvili təkbətək görüş başa çatdıqdan sonra nümayəndə heyətlərinin iştirakı ilə geniş tərkibdə görüşmüşlər. …və Gürcüstan Prezidenti Mixeil Saakaşvili Batumidə geniş tərkibdə görüşdən sonra birgə mətbuat konfransı keçirmişlər. …və Gürcüstan Prezidenti Mixeil Saakaşvili mətbuat konfransı başa çatdıqdan sonra Batumi şəhərində həyata keçirilən və gələcəkdə icrası nəzərdə tutulan infrastruktur layihələrinin eskizlərinə baxmışlar. …və xanımı Mehriban Əliyeva Batumidə Gürcüstan Prezidenti Mixeil Saakaşvili və xanımı Sandra Elizabet Rulofsla birgə işgüzar nahar etmişlər. …və xanımı Mehriban Əliyeva, Gürcüstan Prezidenti Mixeil Saakaşvili və xanımı Sandra Elizabet Rulofs Batumi şəhərinin görməli yerləri ilə tanış olmuşlar. …Gürcüstana işgüzar səfərini başa vuraraq həmin gün axşam Vətənə qayıtmışdır.
iyulun 19-da
…Ukraynanın xarici işlər naziri Konstantin Qrişenkonun başçılıq etdiyi nümayəndə heyətini qəbul etmişdir.
iyulun 20-də
…və xanımı Mehriban Əliyeva Respublika mehmanxanasının əsaslı təmir və yenidənqurma işlərindən sonrakı vəziyyəti ilə yaxından tanış olmuşlar. …,xanımı Mehriban Əliyeva və ailə üzvləri paytaxtda, Dənizkənarı Milli Parkda "Park Bulvar" ticarət və istirahət mərkəzinin açılış mərasimində iştirak etmişlər. …BMT-nin Ticarət və İnkişaf üzrə Konfransının Baş katibi Supaçay Paniçpakdini qəbul etmişdir. …İtaliyanın "ENİ" Şirkətinin icraçı direktoru Paulo Skaroninin başçılıq etdiyi nümayəndə heyətini qəbul etmişdir.
iyulun 21-də
…Azərbaycan Duz İstehsa lat Birliyinin Masazır gölü ətrafındakı duz zavodunun açılışında iştirak və çıxış etmişdir. …Azərbaycan Milli Mətbuatının inkişafındakı xidmətlərinə görə bir qrup mətbuat işçisinin "Tərəqqi" medalı, "Əməkdar Jurnalist", "Əməkdar Mədəniyyət İşçisi" və "Əməkdar Mühəndis" fəxri adları ilə təltif edilməsi haqqında Sərəncam imzalamışdır. …Azərbaycan Milli Mətbuatının 135 illiyi ilə əlaqədar kütləvi informasiya vasitələrinə birdəfəlik maliyyə yardımının göstərilməsi haqqında Sərəncam imzalamışdır.
iyulun 22-də
…Azərbaycan mətbuat işçilərinin sosial müdafiəsinin gücləndirilməsi haqqında Sərəncam imzalamışdır. …Mətbuat Şurasının yeni binasının açılışında iştirak etmişdir. …"Total" Şirkətinin təhqiqat və istehsal üzrə prezidenti İv Lui Darrikarrerin başçılıq etdiyi nümayəndə heyətini qəbul etmişdir.
"Dövlətqaçqınkom" qaçqınların yeni qəsəbələrə köçürülməsi ilə əlaqədar məskunlaşdıqları mənzillərdən çıxarılacaqlarına əmin edir
2010-cu ildə Bakı şəhərindəki yataqxana və sanatoriyaların binalarında yerləşən məcburi köçkünlərin köçürülməsinə başlanacaq. Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov bildirib ki, hazırda Bakı şəhərində 60 yataqxanada 6100 ailə və ya 24 min məcburi köçkün yaşayır. Həmçinin sanatoriya binalarında 2836 ailə yaşayır ki, bu da 10 min nəfər deməkdir. Bundan başqa, paytaxtda vətəndaşların mənzillərinə sığınmış qaçqınların da oradan çıxarılması nəzərdə tutulur. Ə.Həsənov bildirib ki, köçürülməyə ilk olaraq ali məktəblərin yataqxanalarından başlanması nəzərdə tutulur. Bu proseslə bərabər, digər rayondan olan məcburi köçkünlər də yeni salınan qəsəbələrə köçürüləcək. Bundan başqa, Müşfiq və Hacı Zeynalabdin Tağıyev qəsəbələrindəki hərbi hissələrdə məskunlaşmış məcburi köçkünlərin başqa yerə köçürülməsi üçün torpaq sahəsi ayrılıb. Hazırda onların köçürülməsi istiqamətində müvafiq işlər görülür. İmişli və Yevlax rayonlarındakı fin qəsəbələrinin köçürülməsi layihəsi də hazırdır. Məktəblərdən və fin qəsəbələrindən köçürmələr eyni vaxtda başlayacaq. "Dövlətqaçqınkom"un sədri paytaxtda və digər ərazilərdə vətəndaşların fərdi mənzillərini zəbt etmiş qaçqınların köçürülməsi ilə bağlı araşdırmaların aparılacağını bildirsə də, bu proses barədə geniş məlumat verməyib. "Dövlətqaçqınkom"un hüquqşünası Telman Hüseynov isə hesab edir ki, fərdi mənzillərdə yaşayan qaçqınların sayını tam müəyyənləşdirmək mümkün deyil. Çünki bəziləri yataqxana və digər yaşayış sahələrində qeydiyyatda olduğundan onların fərdi mənzillərdə yaşayıb-yaşamamasını da araşdırmaq çətinlik törədir. Miqrant və Məcburi Köçkünlərin Hüquqlarının Müdafiəsi İctimai Birliyinin məlumatına görə, qaçqınların böyük əksəriyyəti yeni salınmış qəsəbələrdə evlə təmin olunsalar da, normal şəraitə malik evlərdən məhrum olan insanların sayı minlərlədir. Təkcə, Bakıda 200 minə yaxın məcburi köçkün yaşayır. Onların yarısı yataqxana və sanatoriyalarda, uşaq bağçalarında məskunlaşıb. Vətəndaşların fərdi mənzillərində yaşayan qaçqınların sayı da çoxdur. Hüquqşünas Sahib Məmmədovun fikrincə, paytaxtda vətəndaşlara məxsus fərdi mənzillərdə sığınacaq tapmış qaçqınların bir hissəsi artıq onlara verilmiş yeni evlərə köçüblər. Amma onların çoxu yenə də zəbt etdiyi evlərdə yaşayırlar. Ekspert bildirir ki, onların sayını indiyədək dəqiqləşdirmək mümkün olmayıb. Məlumatlara görə, onların sayı 5 min nəfərə yaxındır. Məsələ ondadır ki, qaçqınların bir çoxu artıq neçə ildir ki, yaşayış yerləri ilə təmin olunsalar da, yenə də vətəndaşların evlərini tərk etmək istəmirlər. Hətta elə məcburi köçkün ailəsi var ki, onlara Ramanıda və Goranboyda yeni salınmış qəsəbələrdə evlər verilib, amma Bakıdakı zəbt etdiyi mənzili boşaltmaq istəmir. Bəzi ailələr buradakı evlərdə öz övladlarını yerləşdirib, qəsəbələrdə isə özləri yaşayır. Elə qaçqın ailəsi də var ki, hökumətin verdiyi mənzildə kirayənişin saxlayır. Dövlətdən güzəştli şəkildə ipoteka kreditləri ilə 4 otaqlı mənzil almış qaçqın ailələri də mövcuddur, onlar öz mənzillərinə köçdüyü halda digər qohumlarını qanunsuz zəbt etdiyi evlərə yerləşdirib. Qaçqınların bəziləri müvəqqəti sığındığı evlərin həqiqi sahiblərinin sosial vəziyyətini nəzərə alaraq özləri könüllü olaraq buranı tərk edirlər. Amma elələri də var ki, 2-3 evi olsa belə buranı qənimət bilib əl çəkmək istəmir. Evlərin həqiqi sahibləri onları məhkəməyə verəndə isə hökumətin 1994-cü ilə qədər müxtəlif evlərdə məskunlaşmış qaçqınların oradan çıxarılmasını qadağan edən göstərişini ortaya atırlar. Halbuki 15 il əvvəl onların yaşayış yeri olmadığına görə, hökumət belə tapşırıq vermişdi. İndi onlara ev verilsə də bu cür əsassız bəhanələr gətirirlər. "Dövlətqaçqınkom"dan isə bildiriblər ki, həmin problemin həlli üçün ciddi şəkildə araşdırmalar aparılacaq. Həmin şəxslər yeni qəsəbələrdə evlərlə təmin edilərkən zəbt etdikləri mənzillərdən çıxarılacaqlar.
Əmək Məcəlləsinin 70-ci maddəsinin b) bəndinə və 77-ci maddəsinin 4-cü hissəsinə əsasən, əmək müqaviləmə xitam verilmişdir və son maaşım hesablanmışdır. Əgər 03 may 2010-cu ildə işdən azad olunmuşamsa, 2 ay üçün (may-iyun) müavinətlə birlikdə mənə medal pulu da verilməlidirmi?
Mirzə QƏHRƏMANOV, Naxçıvan şəhəri.
- Qeyd etdiyiniz medal almaqla əlaqədar işçilərə hər hansı bir ödənişin verilməsi qanun və digər normativ-hüquqi aktlarla deyil, müəssisə, idarə və ya təşkilatın müvafiq qərarları əsasında həyata keçirilir. Bu qərarların özlərində isə bu ödəmələrin hansı məbləğdə, hansı müddətdə verilməsi və digər şərtlər qeyd olunur. Əgər bu ödəniş işçinin əmək münasibətlərində olduğu müddət üçün nəzərdə tutulubsa, o halda Əmək Məcəlləsinin 77-ci maddəsinin 1-ci bəndində (işçilərin sayı azaldıqda və ya ştatları ixtisar olunduqda bu Məcəllənin 70-ci maddəsinin "b" bəndi ilə işəgötürən əmək müqaviləsini ləğv etməzdən azı iki ay əvvəl işçini rəsmi xəbərdar etməlidir) göstərilən müddət üçün ödənilməlidir. Əgər işçi ilə Əmək Məcəlləsinin 77-ci maddəsinin 4-cü bəndində (işəgötürən bu maddənin birinci hissəsi ilə və bu Məcəllənin 56-cı maddəsinin ikinci hissəsi ilə müəyyən edilmiş xəbərdarlıq müddətləri əvəzinə işçiyə onun razılığı ilə azı iki aylıq əməkhaqqını birdəfəyə ödəməklə müvafiq əsasla əmək müqaviləsinə xitam verə bilər) göstərilən qaydada əmək müqaviləsinə xitam verilibsə, bu halda medal almaqla əlaqədar işçilərə ödənilən pul ödənilmir. Belə ki, birinci halda 2 ay xəbərdarlıq müddəti işçinin əmək münasibətləri dövründə aldığı əməkhaqqına, ikinci halda isə ixtisarla əlaqədar işçinin aldığı iki aylıq müavinətə aiddir.
"Dövlətqaçqınkom" qaçqınların yeni qəsəbələrə köçürülməsi ilə əlaqədar məskunlaşdıqları mənzillərdən çıxarılacaqlarına əmin edir