Azərbaycan Respublikasının Prezidenti İlham Əliyev
(avqustun 30-da) ... Sinqapur şəhərində keçirilən yeniyetmələrin I olimpiya oyunlarında Azərbaycan Respublikasının idmançıları və onların məşqçiləri üçün ən yüksək nəticələrə görə mükafatların müəyyən edilməsi haqqında sərəncam imzalamışdır. … Sinqapurda keçirilən yeniyetmələrin I yay olimpiya oyunlarında iştirak etmiş idmançıları və mütəxəssisləri qəbul etmişdir.
(avqustun 31-də) … Müqəddəs Ramazan ayı münasibətilə müsəlman ölkələrinin Azərbaycandakı səfirlərini və diplomatik nümayəndəliklərinin rəhbərlərini qəbul etmişdir.
(sentyabrın 1-də) … və xanımı Mehriban Əliyeva Bakıda Dövlət Bayrağı Meydanının təntənəli açılış mərasimində iştirak etmişlər.
(sentyabrın 2-də) … və xanımı Mehriban Əliyevanın adından ölkəmizə rəsmi səfərə gələn Rusiya Federasiyasının Prezidenti Dmitri Medvedevin və xanımı Svetlana Medvedevanın şərəfinə "Gülüstan" sarayında rəsmi ziyafət təşkil edilmişdir.
(sentyabrın 3-də) … və Rusiyanın dövlət başçısı Dmitri Medvedevin görüşündə Azərbaycan və Rusiya arasında dövlət sərhəddi, təbii qazın alqı-satqısı və Samur çayı ilə bağlı sənədlər imzalanmışdır. … və Rusiya Prezidenti Dmitri Medvedev mətbuat konfransında bəyanatla çıxış etmişlər.
Dəmiryolçuların Müstəqil Həmkarlar İttifaqı Respublika Komitəsinin (MHİRK) iş planına müvafiq olaraq yaradılmış komissiya Azərbaycan Dövlət Dəmir Yolunun (ADDY) təsərrüfat və kadrlarının 2007-2008-ci illərin payız-qış mövsümünə hazırlığın gedişinin vəziyyətini dəqiqləşdirmək üçün seçim yolu ilə bir sıra aparıcı təşkilatlarda və xətti stansiyalarda yoxlamalar keçirmişdir. Aparılmış yoxlamaların nəticələri MHİRK-in Rəyasət Heyətinin iclasında geniş müzakirə edilmişdir. Deyilmişdir ki, payız-qış mövsümündə ADDY-nun təsərrüfatlarında normal iş ahəngi yaratmaq məqsədi ilə çoxsaylı işlər görülmüşdür. Nəqliyyat nazirinin şəxsi tapşırığı və Dəmir Yolu rəisinin maliyyə dəstəyi ilə depo və stansiyaların, yol distansiyalarının, istehsalat birliklərinin və digər təsərrüfatların sexlərində, şöbələrində, inzibati binalarda, məntəqələrdə və s. obyektlərin bir çoxunda əsaslı təmir işləri aparılmış, dam örtüyü təzələnmiş, qapı və pəncərələr dəyişdirilmişdir. Yuyucu-buxarlayıcı stansiyada bütün texoloji proses yenidən qurulmuş, buxar qazanları saz vəziyyətə gətirilmişdir. Distansiyaların məntəqələrində və qorunan dəmir yolu keçidlərində işçilərin rahat işləmələri üçün hər cür şərait yaradılmışdır. Bakı sərnişin stansiyasında qatarların təhlükəsiz və fasiləsiz hərəkətini, eyni zamanda işçi heyətinin və sərnişinlərin təhlükəsizliyini təmin etmək məqsədi ilə işlənib hazırlanmış tədbirlər planında nəzərdə tutulan məsələlərin əksəriyyəti öz həllini tapmışdır. Elektrik təchizatı, su və kanalizasiya sistemi təftiş edilmiş, profilaktiki işlər görülmüşdür. Qış mövsümündə stansiyada qar və yağış sularını təmizləmək, normal iş şəraiti yaratmaq üçün lazımi inventar alınmışdır. İşarəvermə və Rabitə İstehsalat Birliyinin tabeliyində olan müəssisələrdə payız-qış mövsümü ilə əlaqədar tədbirlər planında nəzərdə tutulan kadrların və təsərrüfatın hazırlığı məsələləri ardıcıl olaraq həll edilir. "Sərnişindaşıma", "Vaqonservis" istehsalat birliklərində və digər müəssisələrdə əməkçilərin qış mövsümündə sağlamlığını və təhlükəsizliyini təmin etmək üçün lazımi miqdarda iş paltarlarının, iş ayaqqabılarının və fərdi mühafizə vasitələrinin ehtiyatı yaradılmışdır. Əksər müəssisələrdə işçilərin təhlükəsiz işləmələri üçün onlar təkrar təlimatla təlimatlandırılmışlar. Rəyasət Heyəti xüsusi olaraq İşarəvermə və Rabitə, Elektrik Təchizatı, Daşıma Proseslərini İdarəetmə birliklərində, Nəqliyyat vasitələrinin təminatı müəssisəsində, təhlükəsizlik xidmətində payız-qış mövsümünə hazırlıq işlərini müsbət dəyərləndirmişdir. Görülən məqsədyönlü işlərlə yanaşı, bəzi nöqsanlar da diqqətə çatdırılmışdır. Qeyd olunmuşdur ki, Biləcəri lokomotiv deposunda kanalizasiya xətti və qumqurutma sistemi bərbad vəziyyətə düşmüşdür. Kəncə lokomotiv deposunda motorlu vaqonların təmiri sexində dam örtüyü qəza vəziyyətindədir, vaqon deposunda isə qışa hazırlıqla əlaqədar heç bir iş görülməmişdir . Qəzıməmməd vaqon deposunun və Yevlax yol distansiyasının uçma təhlükəsi vardır. Ağstafa və Şirvan yol distansiyalarının inzibati binalarında əsaslı təmir aparılmasına ehtiyac duyulur. Göstərilən bu və digər nöqsanlar "Lokomotiv" "Vaqonservis", "Yol Təsərrüfatı" İstehsalat Birlikləri rəislərinin və Birləşmiş Həmkarlar İttifaqı Komitələri sədrlərinin nəzərinə çatdırılmış və onlara tapşırılmışdır ki, qeyd olunan çatışmazlıqları tez bir vaxtda aradan qaldırmaq üçün təsirli tədbirlər görsünlər. Azərbaycan Dövlət Dəmir Yolu rəisindən xahiş edilmişdir ki, qəza vəziyyətində olan Yevlax yol distansiyasnın inzibatı binasının təcili olaraq sökülməsi və yenisinin tikilməsindən, Biləcəri lokomotiv deposunun zəlzələdən sonra bir neçə yerdən çat vermiş məişət kombinatının və Qəzıməmməd vaqon deposunda təmir sexi binasının əsaslı təmir edilməsindən ötrü maliyyə vəsaitinin ayrılmasını və bu işlərin tez bir zamanda görülməsini təmin etmək üçün əlaqədar təşkilatlara tapşırıqlar versin. Qərarın icrasına nəzarət Müstəqil HİRK-in baş texniki əmək müfəttişi M.Quliyevə həvalə edilmişdir.
Ali məktəblərin birində laborant işləyirəm. 4 yaşlı qızım var. Ana-bala hər ikimiz xroniki xəstəyik. Mənə düşən ödənişsiz məzuniyyətlər barədə məlumat verməyinizi xahiş edirəm.
Elza HƏSƏNOVA, Samux rayonu.
- Əmək Məcəlləsinin 128-130-cu maddələrinə əsasən, qohumluq borcunun yerinə yetirilməsi ilə bağlı ailə, məişət və başqa sosial məsələləri təxirə salmadan həll etmək, təhsil almaq, yaradıcı elmi işlə məşğul olmaq üçün, habelə yaşına, fizioloji keyfiyyətlərinə görə işdən ayrılmaq zərurəti olduqda işçinin ödənişsiz məzuniyyətlərdən istifadə etmək hüququ vardır. Ödənişsiz məzuniyyətlər bu Məcəllədə nəzərdə tutulmuş hallarda işçilərin xahişi və ya tərəflərin qarşılıqlı razılığı ilə verilir. İşəgötürənlə işçinin qarşılıqlı razılığına əsasən, həmçinin kollektiv müqavilələrdə nəzərdə tutulan hallarda, o cümlədən əmək müqaviləsi ilə müəyyən edilən şərtlərlə işçilərə müddəti altı aydan çox olmayaraq tərəflərin mülahizəsinə əsasən müəyyən edilən ödənişsiz məzuniyyət verilə bilər. İşçilərin xahişi ilə bir iş ilində aşağıdakı hallarda və müddətdə ödənişsiz məzuniyyətlər verilir: həkim məsləhət komissiyasının rəyi əsasında xroniki xəstəliyə tutulmuş uşağı olan valideynlərdən birinə, yaxud ailənin uşağa bilavasitə qulluq edən digər üzvünə - uşaq dörd yaşına çatanadək; əlillik qrupundan və səbəbindən asılı olmayaraq əlillərə, sağlamlıq imkanları məhdud olan 18 yaşınadək işçilərə - bir təqvim ayınadək; qazanılmış immunçatışmazlığı sindromu (AİDS) xəstəliyinə tutulmuş və ya insanın immunçatışmazlığı virusu (HİV) ilə yoluxmuş uşaq böyüdən, həmçinin sağlamlıq imkanları məhdud 18 yaşınadək uşağı olan valideynlərə - 14 təqvim gününədək; ailənin xəstə üzvünə qulluq edən qohumlardan birinə - səhiyyə müəssisəsinin rəyi ilə 14 təqvim gününədək; sağlamlıq imkanları məhdud 18 yaşınadək uşaqları olan işçilərə - 14 təqvim gününədək; ailə, məişət və başqa sosial məsələləri həll etmək üçün işçilərə -7 təqvim gününədək. Bu ödənişsiz məzuniyyətlər Əmək Məcəlləsində nəzərdə tutulan minimum məzuniyyətlərdir. Eyni zamanda əmək müqaviləsində nəzərdə tutulduğu halda, hər iki tərəfin razılığı (işçinin və işəgötürənin) və ya Kollektiv müqavilələrdə nəzərdə tutulan hallarda ödənişsiz məzuniyyətlər daha çox müddətə verilə bilər. Əmək Məcəlləsinin 245-ci maddəsinə əsasən, 14 yaşına çatmamış uşağı, yaxud sağlamlıq imkanları məhdud uşağı olan, habelə tibbi rəy əsasında xəstə ailə üzvünə qulluq edən qadınların xahişi ilə işəgötürən onlara işlənmiş vaxta mütənasib əməkhaqqı ödənilən natamam iş günü və ya natamam iş həftəsi müəyyən etməlidir. Bu halda qadının gündəlik və ya həftəlik iş vaxtının müddəti tərəflərin razılığı ilə müəyyən edilir. Həm özünüz və həm də uşağınız xroniki xəstə olduğu üçün ödənişsiz məzuniyyətlərdən istifadə etməklə bərabər Əmək Məcəlləsinin 245-ci maddəsində nəzərdə tutulan işlənmiş vaxta mütənasib əməkhaqqı ödənilən natamam iş günü və ya natamam iş həftəsi hüququndan istifadə etməyiniz daha düzgündür. Belə olan halda siz həm işəgötürənə ziyan vurmamaqla əmək funksiyalarınızı yerinə yetirmiş olursunuz və eyni zamanda xəstəliyin müalicəsi ilə əlaqədar müəyyən vaxt qazanmış olursunuz.
Dəmiryolçuların Müstəqil Həmkarlar İttifaqı Respublika Komitəsinin (MHİRK) iş planına müvafiq olaraq yaradılmış komissiya Azərbaycan Dövlət Dəmir Yolunun (ADDY) təsərrüfat və kadrlarının 2007-2008-ci illərin payız-qış mövsümünə hazırlığın gedişinin vəziyyətini dəqiqləşdirmək üçün seçim yolu ilə bir sıra aparıcı təşkilatlarda və xətti stansiyalarda yoxlamalar keçirmişdir.