Azərbaycan bayrağı Ülfət qəzeti Azərbaycan həmkarlar ittifaqı konfederasiyası Ülfət qəzeti


Yeni mədənin açılması idxaldan asılılığı azaltmaq üçündür

2022-ci ilin aprel ayının əvvəlində Planlaşdırma Müfəttişliyi şaxta haqqında hesabatı nazirə göndərdi.

27.04.2022 12:53
0
A+
A-

İngiltərədə, son 30 ildə ilk dəfə olaraq, polad istehsalında istifadə ediləcək kokslaşan kömür istehsal etmək üçün bir kömür mədəni açıla bilər. Böyük Britaniyanın mənzil, icmalar və yerli idarəetmə naziri Maykl Qouvun ehtimal edilən mədənin tikintisi ilə bağlı qərarı ölkənin Rusiya kömür idxalından asılılığını azaltmaq üçün nəzərdə tutulub.

Yeni mədən İngiltərənin şimal-qərbində, Şotlandiya ilə sərhəddəki Kambriya  bölgəsində açıla bilər. Mədənin evin isidilməsi üçün deyil, polad sənayesində istifadə olunan kokslaşan kömür hasil etmək məqsədilə işləyəcəyinə baxmayaraq, onun açılmasına iqlim kampaniyası fəalları etiraz edir.

2022-ci ilin aprel ayının əvvəlində Planlaşdırma Müfəttişliyi şaxta haqqında hesabatı nazirə göndərdi. Parlament hesab edir ki, nazirin planı təsdiqləməsi ehtimalı var. Layihənin tərəfdarları mədənin ölkə iqtisadiyyatı üçün əhəmiyyətini qeyd edirlər. “West Cumbria Mining” özəl şirkətindən bildirilir ki, mədənin açılması sayəsində 500 iş yeri yaranacaq. Həmçinin, mədənin açılması bütün dünyada, xüsusən də Rusiya və Avstraliyadan kokslaşan kömürün daşınması nəticəsində yaranan karbon emissiyalarını azalda bilər. İqlim dəyişikliyinə qarşı mübarizə fəalları planı tənqid edərək bildiriblər ki, Britaniya mədən yanacaqlarından asılılığını azaltmalıdır. Onlar həmçinin polad istehsalçılarını daha təmiz istehsal üsullarına daha çox sərmayə qoymağa təşviq etmək istəyirlər.  Və yeni texnologiyaların yaxın illərdə Kambriya kömürünə olan ehtiyacı azaldacağını söyləyirlər.

ETİKETLƏR: