Azərbaycan bayrağı Ülfət qəzeti Azərbaycan həmkarlar ittifaqı konfederasiyası Ülfət qəzeti


“Əminik ki, təxribatın arxasında duran, təşkilində iştirak edən bütün qüvvələr öz layiq olduqları cəzanı alacaqlar”

.

10.08.2022 12:16
11
A+
A-

“Hamıya məlumdur ki, Azərbaycanda bütün xalqların və dinlərin nümayəndələri dinc və mehriban şəraitdə yaşayırlar. Ölkəmiz bütün dinlərin, o cümlədən İslamın humanizm, bərabərlik və qardaşlıq prinsiplərinə sədaqətini həmişə nümayiş etdirib, ən çətin dönəmlərdə belə müxtəlif dini bayramlar, əziz günlər yüksək səviyyədə qeyd olunub, dini ayinlər icra edilib. Yüz illərdir ki, ayrı-ayrı xalqların və dinlərin mənsublarının mehriban ailə kimi yaşadıqları Azərbaycanda qarşılıqlı hörmət və etimada əsaslanan nümunəvi birgəyaşayış mühiti mövcuddur və etnik-mədəni müxtəliflik qorunub saxlanılır. Bu cəhətlər Azərbaycanı dünyada tolerantlığın və multikulturalizmin nümunəvi məkanlarından biri kimi tanıdır. Müxtəlif dini konfensiyaların, təriqətlərin nümayəndələri ölkəmizdəki şəraitdən hər zaman məmnunluqlarını ifadə ediblər”.

Bu fikirləri mətbuata açıqlamasında Azərbaycan Həmkarlar İttifaqları Konfederasiyasının sədri, Milli Məclisin deputatı Səttar Möhbalıyev bildirib.

Onun sözlərinə görə, bəzi özünü dindar adlandıran, İslama ləkə atmağa çalışan radikal qruplar hər zaman olub, onlar bu istiqamətdə ölkəmizi də hədəf alır, nifaq salmağa çalışırlar: “Avqustun 4-də Azərbaycan Respublikasının Böyük Britaniya və Şimali İrlandiya Birləşmiş Krallığındakı səfirliyinin binasında törədilən təcavüz aktı da bu qəbildəndir. Təbii ki, bu, öncədən planlaşdırılmış, siyasi məqsədlər güdən terror, vandalizm aktıdır. Din pərdəsi altında gizlənən həmin qüvvələr ölkəmizin beynəlxalq nüfuzuna, əldə etdiyi nailiyyətlərə kölgə salmağa cəhd edirlər. Məlumdur ki, bu cür başıpozuq qüvvələrin Azərbaycanda heç bir sosial bazası mövcud olmadığından onlar xarici ölkələrdə bu cür təxribatlara əl atır, ölkəmizi gözdən salmağa çalışırlar”.

AHİK sədri əminliyini ifadə edib ki, bununla bağlı Böyük Britaniya hökuməti lazımi tədbirlər görəcək, təxribatın arxasında duran, təşkilində iştirak edən bütün qüvvələr öz layiq olduqları cəzanı alacaqlar.

 

ETİKETLƏR: