ABŞ dəmiryolçuları tibbi prosedurlar və müayinələr üçün əlavə ödənişli məzuniyyət alacaqlar. Bundan əlavə, yeni müqaviləyə maaşın dərhal 14 faiz və 2024-cü ilə qədər isə əlavə 24 faiz artımı, həmçinin illik 1000 dollar bonus daxildir.

“Ən əsası, müqavilə ilk dəfə olaraq üzvlərimizə gündəlik və profilaktik tibbi xidmətlərə qatılmaq üçün işdən vaxt ayırmaq imkanı verir, həmçinin xəstəxanaya yerləşdirmə və cərrahi prosedurlar üçün iştirak qaydalarından azad olur”, - deyə “Lokomotiv mühəndisləri və dəmiryol işçiləri qardaşlığı” həmkarlar ittifaqının açıqlamasında bildirilib. ABŞ-da son onilliklərin ən böyük dəmir yolu tətili təhlükəsi ilə bağlanmış yeni müqavilə 2020-ci ildən qüvvədədir, ona görə də onun icra şərtlərinə bütün dövr üçün əməkhaqqının yeni 14% artımı üzrə borcların ödənilməsi daxildir. Bundan əvvəl xəbər verilmişdi ki, sentyabrın 16-da başlamalı olan tətil ABŞ dəmiryolları rəhbərliyinin və həmkarlar ittifaqının razılığa gəlməsi ilə ləğv edilib. Tətil baş tutsaydı, ondan dəyən zərər gündəlik təxminən 2 milyard dollar olardı.