Azərbaycan Dövlət İqtisad Universitetinin Tələbə Həmkarlar İttifaqı Komitəsi “Horadiz Əməliyyatı”nın ildönümünü qeyd edib. Komitənin əməkdaşları “Horadiz Əməliyyatı” iştirakçısı, 2 dəfə  “Azərbaycan Bayrağı” ordeninə layiq görülmüş Şair Ramaldanovla birlikdə Ümummilli Lider Heydər Əliyevin məzarını ziyarət etmiş, ona ehtiramlarını bildirmişlər.

Sonra THİK-in əməkdaşları II Fəxri xiyabana getmişlər. Orada uyuyan şəhidlərimizin xatirəsini bir daha yad etmişlər.

Qeyd edək ki, Ümummilli Lider Heydər Əliyevin rəhbərliyi ilə Azərbaycan Silahlı Qüvvələrinin 1994-cü il yanvarın 5-dən 6-na keçən gecə həyata keçirdiyi uğurlu əməliyyat nəticəsində Füzuli rayonunun 20 Arazboyu kəndi, Horadiz qəsəbəsi və Cəbrayıl rayonunun Cocuq Mərcanlı kəndi işğaldan azad edilib.