Cüdo üzrə 18 yaşa qədər yeniyetmə qızlar arasında Azərbaycan Cüdo Federasiyası Kuboku keçirilib. Hövsan qəsəbəsində yerləşən Fövqəladə Hallar Nazirliyinin İdman Sağlamlıq Mərkəzində baş tutan yarışda 72 idmançı  9 çəki dərəcəsində mübarizə aparıb. Yarışda iştirak edən “Məhsul” İdman Cəmiyyətinin yetirməsi Zeynəbxanım Əsədova -70 kq. çəki dərəcəsində bütün rəqiblərinə qalib gələrək birinci olub.

***

“Məhsul” İdman Cəmiyyətinin digər yetirməsi Fidan Əliyeva isə 21 yaşa qədər gənclər arasında keçirilən cüdo üzrə Azərbaycan birinciliyində ikinci yeri tutub. O bu nəticəni -52 kq. çəki dərəcəsində mübarizə apararaq qazanıb.

Qeyd edək ki, hər iki cüdoçu xanım məşqçi-müəllim Mətanət Süleymanovanın yetirmələridir.