Çində gənclər arasında işsizlik səviyyəsi iyul ayında 17,1% artaraq bu il ən yüksək səviyyəyə çatıb. Bu barədə Bloomberg məlumat verib.

Ekspertlər işsizliyin sıçrayışının səbəbləri arasında iyunda ali məktəbləri bitirən təxminən 12 milyon tələbənin iş axtarmasını qeyd edirlər. Bu da gənclər arasında əmək bazarında onsuz da acınacaqlı olan vəziyyəti daha da pisləşdirib.

Beynəlxalq Əmək Təşkilatının məlumatına görə, 2023-cü ildə bütün dünyada gənclərin 13,3%-i işsizdir. Eyni zamanda Avropa ölkələrinin yarısında gənclər arasında işsizlik bir qədər azalıb. Azalma qismən 2020-2023-cü illər arasında bir sıra ölkələrdə yaşanan işçi qüvvəsi çatışmazlığı ilə bağlı olub ki, bu da gənclərin məşğulluğunun artmasına təsir göstərib.

Son bir neçə ildə gənclər arasında işsizliyin azalması Cənubi Avropada baş verib: Yunanıstanda 8 %, Kiprdə 2,1 %, İspaniyada 1,8 %, İtaliyada 1,2 % və Portuqaliyada 0,8%. Bununla belə, Avropanın digər ölkələrində işsizliklə bağlı artım qeydə alınıb. Ən böyük artım Çexiyada (6,3%) və İsveçdə (5,1%) baş verib.