Həmkarlar ittifaqlarının “Spartak” KBTİC İctimai Birliyinin Sumqayıt Şəhər Şurasının nəzdində fəaliyyət göstərən futbol bölməsinin 15 yaşlı futbolçulardan ibarət yığma komandası (məşqçi Orxan Abdullayev) bir uğura imza atıb. Belə ki, yığma komanda cari ilin mayından avqust ayına kimi baş tutan Sumqayıt şəhər birinciliyində keçirdiyi 9 oyunun hamısında qələbə qazanaraq çempion adına layiq görülüb.

Birinciliyi qazanmış idmançılara fəxri fərmanlar, kubok, medal və qiymətli hədiyyələr təqdim olunub.