Dörd milyarddan çox insanın seçkiyə gedəcəyi tarixi bir ildə Beynəlxalq Həmkarlar İttifaqları Konfederasiyası (BHİK)  demokratiya uğrunda kampaniyaya başlayır. Bu, işçilərin həmkarlar ittifaqı baxışı istiqamətində demokratiyaya yönəlik birləşdirilməsinə əsaslanır.

BHİK-in Baş katibi Luk Trianql deyib ki,  bütün dünyada demokratiya kritik xəstəliyə tutulub. Biz avtoritarizmin, ifrat sağçı ideologiyaların yüksəlişini, korporasiyaların siyasətə zərərli təsirini və işçilərin hüquqlarının pozulmasını görürük.

Ancaq həmkarlar ittifaqları demokratiyanı sağaltmaq və onu cavanlaşdırmaq vizyonuna sahibdirlər. Bu kampaniya iş yerindən qlobal institutlara qədər demokratik dəyərləri və işçilərin hüquqlarını müdafiə etmək üçün bütün dünyada işçi həmkarlar ittifaqlarının kollektiv gücünü birləşdirəcək.

Biz birlikdə demokratiya, ədalət və hamı üçün bərabərliyə dəyər verən bir dünya formalaşdıra bilərik.

Kampaniya demokratiyanın üç səviyyəsinə diqqət yetirəcək:

-İş yerində demokratiya: işçilərin birləşmək azadlığı, kollektiv sövdələşmə və tətil hüququ kimi əsas hüquqlarını vurğulamaq; işçiləri iş yerlərində gücləndirmək.

-Cəmiyyətdə demokratiya: söz azadlığını, ədalətli vergi sistemlərini, gender bərabərliyini, sosial müdafiəni və keyfiyyətli dövlət xidmətlərini müdafiə etmək, korporativ maraqların və ifrat sağçı ideologiyaların üstünlüyünə qarşı mübarizə.

-Qlobal səviyyədə demokratiya: insan hüquqları, ədalətli qlobal maliyyə sistemi, millətlər arasında bərabərhüquqlu əməkdaşlıq və dinc ümumi təhlükəsizliyə üstünlük verən beynəlxalq iqtisadi strukturlarda islahatlara çağırış.

Luk Trianql əlavə edib ki,  demokratiya və işçilərin hüquqlarına qarşı artan çağırışlar qarşısında səsimizi eşitmək üçün sərhədləri aşaraq birləşməyimiz çox vacibdir. Biz bütün dünyada həmkarlar ittifaqlarını demokratik dəyərlərə və işçilərin hüquqlarına malik yeni Sosial Müqavilə, dürüst  və ədalətli qlobal cəmiyyət tələb etmək üçün səfərbər edərək ifrat sağın yüksəlişinə və demokratiyamıza qarşı digər təhdidlərə qarşı mübarizə apara bilərik.