Beynəlxalq Həmkarlar İttifaqları Konfederasiyasının (BHİK) Baş katibi Luk Trianql bildirib ki, COVID-19 pandemiyasının qlobal iqtisadi sistemdəki dərin qüsurları ortaya qoymasından bir neçə il sonra Beynəlxalq Valyuta Fondu və Dünya Bankı işçilərin hüquqlarını, demokratiyanı pozan, bərabərsizliyi artıran və iqtisadiyyatı qeyri-sabit edən qənaət və tənzimləmə tədbirlərini təşviq etməyə davam edir.

Dörd milyard insanın səs vermək imkanına sahib olduğu və bu institutların əsasının qoyulduğu “Bretton Woods” Konfransının 80-ci ildönümünü qeyd etdiyimiz bir ildə etibar və sabitliyi bərpa etmək üçün bizi dinləməli və öhdəliklərini yerinə yetirməlidirlər. Artıq yeni bir yanaşmanın vaxtı gəlib.

BHİK-in tələblərinə daxildir:

-Dövlət sektorunun əməkhaqqı hesablarını donduran və ya azaldan, qadınlara qeyri-mütənasib şəkildə təsir edən və təhsil kimi əsas dövlət xidmətlərinin  göstərilməsinə maneə törədən qənaət siyasətlərinə son qoyulması.

-Bərabərsizliyi azaltmaq və sosial müdafiəni maliyyələşdirmək üçün əmlak və korporativ vergilər də daxil olmaqla mütərəqqi vergitutma üzrə hərtərəfli öhdəlik.

-Davamlı İnkişaf Məqsədlərinə uyğun olaraq işçiləri qoruyan və davamlı inkişafı təmin edən borcun restrukturizasiyası mexanizmləri.

- İqtisadi, sosial və əmək siyasətini formalaşdırmaq üçün həmkarlar ittifaqları ilə konstruktiv, demokratik məsləhətləşmələr.

Dünyada bütün işçilər kreditorları insanlardan üstün tutan siyasətlərin ağır yükünü daşıyırlar. BVF və Dünya Bankı inklüziv inkişafı və demokratiyanı dəstəkləmək üçün kursu dəyişməlidir. Onlar layiqli iş, universal sosial müdafiəyə və iqlim dəyişikliyinə davamlılığa zəmanət verən yeni sosial müqavilənin təmin edilməsində öz rolunu oynamalıdırlar.

Qeyd edək ki, Beynəlxalq Maliyyə institutlarının illik toplantıları oktyabrın 21-dən 26-dək Vaşinqtonda (ABŞ-də) keçirilir.