Beynəlxalq Əmək Təşkilatının (BƏT) Baş direktorunun dialoq, hüquqlar və idarəetmə məsələləri üzrə köməkçisi Manuela Tomey sürətlə inkişaf edən dünyada təhsilin və müəllimlərin həlledici rolunu vurğulayıb. Deyib ki, müəllimlər dünyanı dərk etmək üçün maraq və ehtiras aşılaya, gələcəyin işəgötürənlərini və işçilərini yetişdirə bilərlər.

Avropa Komissiyasının Avropa İttifaqı Şurasına sədrlik edən Belçika ilə birlikdə təşkil etdiyi yüksək səviyyəli təhsil tədbirində (Global Gateway) BMT Baş katibinin müəllim peşəsi ilə bağlı bəzi qrup tövsiyələri müzakirə edilib. Tədbir təhsil və əmək nazirliklərini, işəgötürən təşkilatlarını, müəllim və tələbə həmkarlar ittifaqlarını, vətəndaş cəmiyyətlərini və elmi dairələri bir araya gətirib. BƏT və UNESCO yüksək səviyyəli panelin Katibliyinə rəhbərlik ediblər.

Birləşmiş Millətlər Təşkilatının Təhsili Transformasiya edən Sammitinin birbaşa davamı olan və müəllimlərin statusuna dair BƏT-UNESCO tövsiyəsinə əsaslanan tövsiyələr ölkədə təcili böhranı həll etmək üçün milli kontekstlərdə nəzərdən keçirilməli olan fəaliyyətlərin yol xəritəsini müəyyən edir.

Tövsiyələr müəllimin rolunun dəstəklənməsini və inkişafını vurğulayır. Təcrübə və sorğuya əsaslanan öyrənmə və problemlərin həlli üçün bilik istehsalçısı və təbliğatçısı olmaqla müəllimlərin təlimə və dəstəyə ehtiyacı var.

Tövsiyələr həmçinin təhsildə transformasiyaedici amil olan texnologiyaya insan mərkəzli yanaşmanı təşviq edir. Müəllimlər şagirdlərə düzgün təlimat vermək üçün dəstəyə ehtiyac duyurlar ki, onlar dezinformasiyaya qarşı tənqidi münasibət formalaşdırsınlar.

M.Tomey cəmiyyətlərin təhsil üçün əlverişli bir mühit yaratmasının, təhsilin dövlət tərəfindən maliyyələşdirilməsini təmin etməsinin və ictimai xidmət işçiləri kimi müəllimlərə də diqqət ayrılmasının vacibliyini vurğulayıb. Qeyd edib ki, kadrların işə qəbulu və saxlanması siyasəti də təkmilləşdirilməlidir. Tövsiyələri həyata keçirməliyik və BƏT beynəlxalq birliyin işini dəstəkləməyə hazırdır.

Tədbirdə müəllim peşəsinə hörmətin aşılanması və müəllim çatışmazlığı problemini həll etmək üçün milli kontekstdə əsas müddəaların də nəzərdən keçirilməsi vurğulanıb.