"Biz sizinlə yandırıcı avqust günəşinin altında durub təntənəli açılış mərasimi keçiririk. Amma öz bölgələrinizə qayıdanda bu istinin təsirini unudacaqsınız. Çünki burada gördükləriniz, yaşayacağınız istirahət saatları ürəyinizə yaddan çıxmayan sərinlik dolduracaq". Xaçmaz Rayon İcra Hakimiyyətinin başçısı, sözünün qədrini bilən, hərəkətinin sanbalını uca tutan Şəmsəddin Xanbabayevin "Ülfət" İstirahət Mərkəzinin açılışında işlətdiyi bu sözlərin özünü doğrultmasını çox gözləməli olmadıq.

İslahatlar zamanı heç bir işçiyə qarşı ədalətsizliyə yol verilə bilməz

Dəmiryolçuların Müstəqil Həmkarlar İttifaqında struktur dəyişiklikləri edilmişdir. Bu, "Azərbaycan Dəmiryolları" Qapalı Səhmdar Cəmiyyətində aparılan islahatlarla əlaqədar olmuşdur.

Müzəffər Baxışov: "Yalnız göstərilən xidmətlə bağlı bu və ya digər şəxslərdən pul tələb edilə bilər"

Bu il paytaxt sakinlərinin rastlaşdıqları problemlərə biri də əlavə olunub. Yay mövsümündə istirahət üçün ölkə xaricinə, o cümlədən respublikanın istirahət mərkəzlərinə gedə bilməyən əksər sakinlər çimərliklərə üz tuturdu. Amma bu il həmin ünvanlarda da paytaxt sakinlərinin yolları bağlanıb desək yanılmarıq. Əksər çimərliklərə giriş pullu olduğundan vətəndaşlar həmin yerlərdə istirahət edə bilməyib.

Bu addım Azərbaycan üçün heç bir problem yaratmayacaq

Rusiya dekabrın 31-dək xarici ölkələrə taxıl ixrac etməyəcək. BBS-nin məlumatına görə, Rusiyanın taxıl ixracına yasaq qoyması dünya bazarında taxılın qiymətinin xeyli artması ilə nəticələnib. Qeyd edək ki, Rusiya dünyada 3 taxıl ixracatçı ölkədən biridir. Ölkə bu il təxminən 20 milyon ton taxıl ixrac etmək niyyətində idi, lakin Moskvanın son qərarı bu istəyi reallaşdırmağa imkan vermədi.

Azərbaycanda sel və daşqınların, torpaq sürüşmələrinin ardınca digər bir təbii fəlakət - meşə yanğınları narahatlıq doğurmaqdadır. İyul ayının əvvəllərindən bir sıra bölgələrdə müşahidə olunan yanğınların miqyası son bir həftədə çoxalıb və intensiv xarakter alıb. Son bir ayda ölkənin 10-dan çox bölgəsində irimiqyaslı yanğınlar baş verib.

Məzahir Əfəndiyev: "Əgər vaxtında bu problemin üzərinə gedilib həll edilməsə,xəstəlik epidemiya halını ala bilər"

“Cəmiyyətdə o hissi aşılamağa çalışmalıyıq ki, narkotik istifadəçisi xəstəlikdən əziyyət çəkən şəxsdir.”

Əsrin bəlası olan narkomaniya problemi bütün dünyada olduğu kimi, Azərbaycanda da mövcuddur. Son illər isə narkotik istifadəçilərinin sayı durmadan artır. Respublikamızda bununla bağlı görülən tədbirlərə baxmayaraq, problemin qarşısını almaq hələ də mümkün olmayıb. Niyə? Bu suala ətraflı aydınlıq gətirmək üçün Birləşmiş Millətlər Təşkilatının (BMT) "Cənubi Qafqazda Narkotiklərə Nəzarət" (SKAD) Proqramının ölkə üzrə rəhbəri Məzahir Əfəndiyevə müraciət etdik.

Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, avqustun 7-də hava şəraiti günəşli keçəcək, şimal-qərb küləyi gündüz saatlarında cənub-şərq küləyi ilə əvəz olunacaqdır.

Gecə 25-28, gündüz 37-39, bəzi yerlərdə isə 41 dərəcə isti olacaqdır. Avqustun 8-də də hava şəraitinin günəşli keçəcəyi, şimal-qərb küləyinin gündüz cənub-şərq küləyi ilə əvəz olunacağı gözlənilir. Havanın temperaturu gecə 25-27, gündüz müsbət 37-39 dərəcə təşkil edəcəkdir. Azərbaycanın rayonlarında avqustun 7-8-də hava şəraiti günəşli keçəcək və şərq küləyi əsəcəkdir.

"Sarmat" Açıq Səhmdar Cəmiyyəti artıq uzun müddətdir ki, işçilərə əməkhaqqı ödəmir. Müəssisənin borcu 4 milyon 900 min rubl təşkil edir.

Milli oyunlar üzrə kənd idmançılarının XXI Respublika spartakiadası başa çatmışdır.