Şəhid övladının ad gününü təbrik etdilər
.
Dövlət İdarələri və İctimai Xidmət İşçiləri Həmkarlar İttifaqı Sabunçu Rayon Komitəsinin əməkdaşları himayəyə götürdükləri şəhid övladı Ayan Məmmədlinin doğum günü tədbirində iştirak etmişlər. Ev sahibləri və qonaqlar Ayanın atası şəhid Elcanın həyatı, döyüş yolu barədə xatirələrini bölüşmüşlər. Həmkarlar ittifaqının nümayəndələri Ayanın ad gününü təbrik etmiş və ona hədiyyələr bağışlamışlar.
Onlar həmçinin ailəyə Ramazan bayramı münasibətilə ərzaq sovqatı vermişlər. Ailə üzvləri göstərilən diqqət və qayğıya görə Dövlət İdarələri və İctimai Xidmət İşçiləri Həmkarlar İttifaqı Respublika Komitəsinə təşəkkürlərini bildirmişlər.