Azərbaycan şahmatçısı Gövhər Beydullayeva yeniyetmə şahmatçılar arasında rapid üzrə FIDE onlayn Superfinal yarışında uğurla çıxış edərək turnirin qalibi olub.

“Youth rapıd super fınal” adlanan turnirdə şahmatçımız 18 yaşadək qızlar arasında 10 turdan səkkiz xal toplayaraq birinci yeri tutub.

Qeyd edək ki, Gövhər Beydullayeva Həmkarlar İttifaqlarının “Şahmat - Dama” İdman Klubunun yetirməsidir (ilk məşqçisi Xanlar Allahverdiyev).