Beynəlxalq Əmək Təşkilatı (BƏT) ikihəftəlik müzakirələrdən sonra noyabrın 20-də başa çatan BMT-nin İqlim Dəyişikliyi Konfransının nəticələrini alqışlayıb. “COP27” olaraq bilinən görüş, iqlim fəlakətlərindən çox zərər çəkmiş həssas ölkələr üçün itki və zərərə görə maliyyə təmin etməklə əlamətdar nəticəyə gətirib çıxardı.

İclasda iştirak edən hökumətlər qlobal temperatur artımını sənayedən əvvəlki səviyyədən 1,5 ? ilə məhdudlaşdırmaq öhdəliyini təsdiqləyən qərarlar paketi üzərində də razılaşıb.

BƏT-in Yaşıl iş yerləri üzrə qlobal koordinatoru Mustafa Kamal Quye deyib ki,  “COP27”-nin nəticələri qlobal ictimaiyyəti iqlim dəyişikliyinin təsirləri ilə mübarizə aparmaq üçün siyasətləri həyata keçirməklə kollektiv tədbirlər görməyə təşviq edir. Nəticələr mənalı və effektiv sosial dialoqa əsaslanan ədalətli keçidə aparan yolları əhatə edir və iqlim dəyişikliyinin təsirləri ilə mübarizədə sosial müdafiə kimi məşğulluq siyasətlərinin rolunu tanıyır.

BƏT 1995-ci ildə COP prosesinin başlanmasından bəri iqlim dəyişikliyinin sosial ölçülərini əsas beynəlxalq iqlim siyasəti proseslərinə daxil etmək səylərinə rəhbərlik edir. Misirin Şarm əl-Şeyx şəhərində baş tutan  konfrans zamanı iqlim dəyişikliyinə keçidin sosial aspektlərini, uyğunlaşma və təsirlərin yumşaldılması proseslərinə ədalətli keçidin təmin edilməsinin vacibliyini vurğulamaq üçün tikilmiş ədalətli keçid pavilyonunda tədbirlər keçirilib.

Pavilyonda tədbirlərə gənclər üçün yeni yaşıl iş yerləri paktının işə salınması daxildir. Bu, gənclər üçün bacarıq boşluqlarını aradan qaldırmaq, bank və investisiya fəaliyyətləri üçün ədalətli keçid maliyyələşdirmə alətini təqdim etmək məqsədi daşıyır.  London İqtisadiyyat Məktəbinin Grantham Tədqiqat İnstitutu ilə əməkdaşlıqda maliyyə qurumlarına öz əməliyyatlarında ədalətli keçid ölçüsünü həyata keçirməyə kömək etmək üçün hazırlanmışdır.

BƏT-in bir sıra informasiya məhsulları “COP27” zamanı istifadəyə verilmişdir. Bunlara ədalətli keçidlə bağlı bir sıra analitik qeydlər daxildir:  hamıya ekoloji cəhətdən dayanıqlı iqtisadiyyatlara və cəmiyyətlərə ədalətli keçid üçün BƏT-in rəhbər prinsiplərinin tətbiqi ilə bağlı texniki və siyasi anlayışı təkmilləşdirmək , eləcə də yaşıl iqtisadiyyata keçiddə müəssisələrin roluna dair yeni hesabat və s.

Pavilyonda yerləşən ədalətli keçid bilik mərkəzi, nümayəndələrin şirkət, sektor, ölkə və bölgə səviyyəsində ədalətli keçid siyasəti və təcrübələrini necə həyata keçirəcəkləri barədə məlumat mübadiləsi edə biləcəyi bir forum rolunu oynadı. Digər tədbirlərdə sosial dialoqun əhəmiyyəti və sosial inklüzivlik və keçid dövründə qeyri-mütənasib şəkildə təsirə məruz qalma riski olan qadınlar, yerli əhali, miqrantlar və əlillər də daxil olmaqla, həssas qruplarla bağlı məsələlər vurğulandı.

Ədalətli keçid pavilyonu BƏT və Avropa Komissiyası, Beynəlxalq Həmkarlar İttifaqları Konfederasiyası, Beynəlxalq İşəgötürənlər Təşkilatı  və Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının katibliyi ilə birlikdə təşkil olunub. Beynəlxalq təşkilatların, hökumətlərin, işçi və işəgötürən təşkilatlarının, özəl sektorun, akademiyaların və gənclər birliklərinin nümayəndələri də daxil olmaqla, yüzlərlə nümayəndə üçün mərkəz rolunu oynayıb.

Məşğulluq, sosial məsələlər və inklüzivlik məsələləri üzrə Avropa Komissiyasının Baş direktoru Yost Korte deyib ki, biz BƏT-dəki həmkarlarımızla birlikdə bu ilk ədalətli keçid pavilyonunu yaratmağımızdan çox şadıq. Bu, bizim müzakirə etdiyimiz mühüm mövzudur və ümid edirəm ki, hamımız üçün çox vacib və maraqlı prosesə çevriləcək.

“BƏT “COP27”-də ilk ədalətli keçid pavilyonunu təşkil etmək üçün böyük bir iş gördü və biz işəgötürənlər və işçilər arasında görüş təşkil etmək və onların təcrübələrini, problemlərini və prioritetlərini yaymaq üçün diqqətəlayiq yer yaratmaq səylərinin bir hissəsi olmaqdan qürur duyuruq”, -deyə Beynəlxalq İşəgötürənlər Təşkilatının Baş katibi Roberto Suares Santos bildirib.