Azərbaycan Həmkarlar İttifaqları İdman Təşkilatları Assosiasiyası İctimai Birliyinə daxil olan “Atilla” İdman Klubunun yetirmələri Niderlandın Haaqa şəhərində gənclər arasında keçirilən Avropa çempionatında qızıl və bürünc medal qazanıblar. 

Klubun yetirməsi Nizami İmranov 60 kiloqram çəki dərəcəsində mübarizə aparıb. Bütün rəqiblərini məğlub edərək birinci yeri tutub. 

73 kq. çəki dərəcəsində yarışan Vüsal Qələndərzadə isə üçüncü yeri özünə təmin edib.