Azərbaycan bayrağı Ülfət qəzeti Azərbaycan həmkarlar ittifaqı konfederasiyası Ülfət qəzeti


İş yerlərinin yaradılması

Beynəlxalq Həmkarlar İttifaqları Konfederasiyasının (BHİK) Baş katibi Şaran Barrou bildirib ki, hökumətlərin bir prioriteti olmalıdır - iş yerləri. Bütünlükdə işə, məşğulluğa qayıtmaq lazımdır. Bu, iqtisadi təhlükəsizlik və sosial ədalətin təməlini yaradır.

01.09.2021 11:17
2
A+
A-

Pandemiya səbəbindən 200 milyondan çox iş yeri itirilib,  daha 100 milyon iş yeri risk altındadır. Böyük əksəriyyəti qadınlardan ibarət çox sayda işsiz, sadəcə olaraq, əmək bazarını tərk edir. Bu il baş tutacaq  7 Oktyabr - Ümumdünya Layiqli Əmək Günündə bütün dövlətlər iş yerlərinin yaradılması planı üzərində işləməyə çağırılacaq.

Beynəlxalq Həmkarlar İttifaqları Konfederasiyasının (BHİK) Baş katibi Şaran Barrou bildirib ki, hökumətlərin bir prioriteti olmalıdır - iş yerləri. Bütünlükdə işə, məşğulluğa qayıtmaq lazımdır. Bu, iqtisadi təhlükəsizlik və sosial ədalətin təməlini yaradır.

BHİK-in tələbi  2030 -cu ilə qədər 565 milyon iş yeri açmaq və qeyri-rəsmi iş yerlərinin ən az yarısını rəsmiləşdirmək məqsədi daşıyır. Bu, BMT -nin “Dayanıqlı İnkişaf Məqsədi 8”ə nail olmağın yeganə yoludur və əsasdır.

Həmkarlar ittifaqları işəgötürənlər və digərləri ilə iş yerlərinin yaradılması və saxlanılması üçün təcili olaraq iddialı hədəflər təyin etməyə  çağırır. Və sonra planetin sabit qalması və sıfır karbonlu iqtisadiyyatın təmin edilməsi üçün iqlimə uyğun iş yerləri yaradaraq bu hədəflərə çatmalıdır.

Həyati əhəmiyyət kəsb edən səhiyyə sektorunda və infrastrukturda məşğulluğa xüsusi diqqət yetirilməlidir. İş istəyimiz xüsusən hökumətlərin az sayda insanın vergidən yayınmaqla yüz milyardlarla dollar qənaət etməsinə icazə verməkdənsə, ədalətli vergi siyasətinə sahib olması halında əldə edilə bilər. Belə gəlir iş yerlərinin açılmasına təkan verə bilər.

Dünya əmək bazarı pozulub. Hökumətlər işi tənzimləyə bilmədi və tam məşğulluq məqsədini gözardı etdi. İş yerləri pandemiyadan əvvəl olduğundan daha təhlükəlidir və bu, insanları artan istismar və etibarsızlıqdan qorumaq üçün qaydaların dəyişdirilməsini tələb edir.

Yaşamaq məqsədilə digər təhlükəli vasitələr və pandemiya ilə mübarizə apararaq bütün dünyada lazım olan dayanıqlılığı yenidən qurmaq və möhkəmləndirmək üçün iş yerləri tamamilə vacibdir. İş yerlərinin yaradılması hüquqlar, sosial müdafiə, bərabərlik və sair ilə birlikdə yeni sosial müqavilənin mərkəzidir. Ümumdünya Layiqli Əmək  Günü “ədalətli iş yerləri” çağırışını gücləndirəcək və kampaniyamızın xülasəsində qeyd edildiyi kimi, qeyri-formallıq böhranından çıxmağa kömək edəcəyik.

ETİKETLƏR: