BƏT-in Ədalətli Məşğulluq Təşəbbüsü (FRI) 10-cu ildönümünü ədalətli məşğulluq təcrübələrinin yaradılmasında irəliləyişləri vurğulayan və gələcək irəliləyiş üçün tövsiyələr verən üç yeni nəşrlə qeyd edir.

FRI 2014-cü ildə BƏT-in Baş direktorunun Ədalətli Miqrasiya Gündəliyi çağırışının bir hissəsi kimi fəaliyyətə başlayıb. Onun məqsədi milli və beynəlxalq işə qəbul təcrübələrinin əmək standartlarına, sosial dialoqa və gender bərabərliyinə hörmətə əsaslanmasını təmin etməkdir.

İşə qəbul haqları və müvafiq xərclər üzrə qlobal tədqiqatın ikinci nəşri beş il əvvəl ilk hesabatın dərcindən sonra FRI-nin coğrafi əhatəsinin 90 ölkədən 110 ölkəyə qədər genişlənməsini əks etdirir. İndi bu ölkələr işçilərdən işə qəbul haqqı və xərclərin tutulmasını tənzimləyir və ya qadağan edir. Qlobal tədqiqat həmçinin işə qəbulla bağlı mövcud qaydaların, siyasətlərin və təcrübələrin nəzərdən keçirilməsini əhatə edir. Bundan əlavə, FRI “Ədalətli İşə Qəbul Yol Xəritəsi: Milli Fəaliyyət üçün Bələdçi” nəşr etdi. Yol Xəritəsində hökumətlərə, işçilərə və işəgötürənlərə milli səviyyədə ədalətli məşğulluq təcrübələrini tətbiq etməkdə kömək edə biləcək praktiki təlimat və təcrübə nümunələri var.

Yeni 20 səhifəlik “İşə qəbul haqları və əlaqədar xərclər haqqında qısa məlumat” broşurası da yayımlanıb. Broşurada işə qəbul haqları və əlaqədar xərclər barədə məlumatlar var. Burada həmçinin bəzi əsas maraqlı tərəflərin təşəbbüsləri də vurğulanır.

BƏT-in Baş direktoru Gilbert Houngbo deyib ki, sosial ədalətin inkişafı ədalətli məşğulluq və hamı üçün layiqli işdən başlayır. 10 illik yubileyini qeyd edən BƏT-in Ədalətli Məşğulluq Təşəbbüsü həm ölkə daxilində, həm də xaricdə məşğulluq təcrübələrinin əmək standartlarına əsaslanmasını təmin edir.