Mayın 23-24-də Cenevrədə keçirilən İndustriALL İcraiyyə Komitəsinin iclasının gündəliyində birləşmək azadlığına təhdidlər, tətil hüququ, təşkilatlanma, davam edən müharibələr və sair məsələlər yer alıb.

İndustriALL-ın ilk qadın prezidenti kimi açılış nitqində Mari Nilsson (İsveçin IF Metall Həmkarlar İttifaqı) xatırladıb ki, texnoloji dəyişikliklər, müharibə, demokratiyaya təhdidlər, iqlim dəyişikliyi və süni intellekt kimi məsələlər bəzən köhnəlmiş görünə bilər. Lakin keçid dövründə işçilər özlərini təhlükəsiz hiss edənə qədər həmkarlar ittifaqı fəallarının bu barədə danışmağa davam etməsi vacibdir. O vurğulayıb ki, demokratiya, azadlıq və davamlılıq üçün azad demokratik həmkarlar ittifaqlarında mütəşəkkil işçilərdən daha güclü qüvvə yoxdur.

M.Nilsson deyib ki, işçilərin təşkilatlanması bizim ən mühüm vəzifəmizdir: “Bütün fabriklərdə, mədənlərdə, camaşırxanalarda yoldaşlarımızdan soruşmaq lazımdır: “Həmkarlar ittifaqına üzv olmaq istəyirsən?”. Hər bir iş yerində cavab bəli. Bundan vacib heç nə yoxdur, çünki təşkilatçılığın aşağı səviyyədə olması bizim üçün problemdir. Sizin hüquqlarınıza edilən hücum mənim haqqıma edilən hücumdur. Bu, federasiyamızın əsası və həmrəyliyimizin əsasıdır”.

İcraiyyə Komitəsi, hökumətlərin əmək qanunlarını zəiflətmək və sosial dialoqdan imtina etmək üçün müharibədən bəhanə kimi istifadə etdiyi Ukrayna da daxil olmaqla, əmək və həmkarlar ittifaqı hüquqlarının pozulmasının qlobal qaynar nöqtələrini sadalayıb.

Çıxışlarda süni intellektin işçilərə və həmkarlar ittifaqlarına böyük təsirinin olacağı vurğulanıb. Buna görə də İndustriALL 4.0 Ekspert Qrupu rəqəmsallaşma və süni intellektlə bağlı siyasətlərin hazırlanmasına diqqət yetirəcək.

Güclü və aktiv qlobal birlik qurmaq üçün İcraiyyə Komitəsi korporativ kampaniyaların təşkili və aparılması üzrə üçillik təlimi maliyyələşdirməyə qərar verib. Həmçinin sonda iki qətnamə də qəbul edilib.